“ჩვენ იმისთვის ვართ, რომ ვიზრუნოთ ერთმანეთზე “აშშ-ს ახლად არჩეული პრეზიდენტი საშობაო მილოცვას ავრცელებს

 “ჩვენ იმისთვის ვართ, რომ ვიზრუნოთ ერთმანეთზე “აშშ-ს ახლად არჩეული პრეზიდენტი საშობაო მილოცვას ავრცელებს

ჯო ბაიდენმა და მისმა მეუღლემ საშობაო მილოცვა გაავრცელეს.ჯო ბაიდენის განცხადებით როგორც წესი, საშობაოდ 20-25 ადამიანი ჰყავთ ხოლმე სტუმრად , მაგრამ წელს დღესასწაულს მარტო აღნიშნავენ.”მოგვენატრება ჩვენი ოჯახი, მაგრამ ეს ისაა, რაც უნდა გავაკეთოთ, რათა ისინი უსაფრთხოდ იყვნენ. იმედი გვაქვს, რომ წელს თქვენც გაითვალისწინებთ და შეზღუდავთ გადაადგილებას და შეკრებების ზომას შეამცირებთ”.

პანდემიის დაწყებიდან აშშ-ში კორონავირუსი სულ 19 210 166 ადამიანს დაუდასტურდა, გარდაიცვალა 338 263 ინფიცირებული, გამოჯანმრთელდა – 11 257 711. სადღესასწაულო დღეებში აშშ-ს შტატების უმრავლესობაში ძალაში რჩება მკაცრი შეზღუდვები, მათ შორის გადაადგილებასა და შეკრებებზე.

“მე და ჯილი თქვენ და თქვენს ოჯახებს გისურვებთ მშვიდობას, ბედნიერებას და ჯანმრთელობას. ვიცით, რომ ჩვენს ქვეყანაში ძალიან ბევრისთვის ძალიან რთული წელი იყო…ბევრ ჩვენს თანამოქალაქეს უჭირს სამსახურის პოვნა, საკვების შოვნა, ქირის თუ სესხის გადახდა. ეს შეგვახსენებს, რომ დედამიწაზე იმისთვის ვართ, ვიზრუნოთ ერთმანეთზე, გავცეთ, რის საშუალებაც გვაქვს და ვიყოთ სხვებისთვის დახმარების და იმედის წყარო, როგორც მეგობრების, ასევე უცხო ადამიანებისთვისაც”. – ამბობს ვიდეოში ჯო ბაიდენი.

“ბევრი ოჯახი შობას დანაკარგით ხვდება. მათ დაკარგეს ძვირფასი ადამიანები. მე და ჯოს გამოგვიცდია ეს მწუხარება. ვიცით, რამდენს ნიშნავს გლოვის დროს კეთილი სიტყვა. ეს მადლიერების დროცაა და მადლიერნი ვართ იმ ადამიანების, რომლებიც წინა ხაზზე სასიცოცხლოდ აუცილებელ სამსახურს სწევენ და საკუთარ თავს რისკის ქვეშ აყენებენ ჩვენ გამო, მადლიერი ვართ იმ მეცნიერების, რომლებმაც იმუშავეს ვაქცინის შესაქმნელად. ვფიქრობთ იმ ჯარისკაცებზე, რომლებიც სახლიდან შორს არიან და მათ ახლობლებზე, რომლებსაც ისინი ენატრებათ. ჩვენმა ოჯახმა იცის თქვენი მსხვერპლის შესახებ და ჩვენი გული თქვენთანაა”. – ამბობს ჯილ ბაიდენი.

 

https://www.facebook.com/watch/?ref=external&v=2455901838038260

ასევე იხილეთ

error: გაფრთხილება: კონტენტი დაცულია!!!