რატი იონათამიშვილი: იუკნევიჩიენეს განცხადებიდან გავიგეთ, რომ ევროკავშირში გასაწევრიანებლად მნიშვნელოვანია არა დემოკრატიული სტანდარტები, არამედ ქვეყნის ომში განადგურება, ეს მიუღებელია

„შთაბეჭდილება მრჩება, რომ კომუნისტი რასა იუკნევიჩიენე რეზოლუციებს საბჭოთა კავშირის ტრადიციული დოკუმენტებიდან იწერს. ფაქტობრივად, ეს რეზოლუციაც სავსეა სიძულვილით საქართველოს მიმართ. რა თქმა უნდა, ესეც მორიგი ფარატინა ფურცელი იქნება, მაგრამ ასეთი რეზოლუციების მიღება თავად ევროკავშირის ინსტიტუტებს აზიანებს“, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე რატი იონათამიშვილმა საქართველოსთან დაკავშირებით ევროპარლამენტის მიერ მომზადებულ ანგარიშზე კომენტირებისას განაცხადა.

იონათამიშვილის თქმით, „ეს კიდევ ერთხელ აჩვენებს იმ კრიზისს, რაც ევრობიუროკრატებმა საკუთარ ქვეყნებს მოუტანეს“.

„რაც შეეხება რასა იუკნევიჩიენეს განცხადებას, დღეს გავიგეთ, რომ ევროკავშირში გაწევრიანებისთვის თურმე მნიშვნელოვანია არა დემოკრატიული სტანდარტები, არამედ ომი და ქვეყნის ომში განადგურება. რა თქმა უნდა, ეს მიუღებელია და გვაჩვენებს, რომ ეს ადამიანები იმ ფასეულობებს ღალატობენ, რასაც თავის დროზე ევროკავშირი დაეფუძნა, ეს იყო მშვიდობა და უსაფრთხოება

. დღეს, მშვიდობის ნაცვლად, ომის პროპაგანდას ეწევიან. საზოგადოება ხედავს, როგორ აცდენილი არიან ადამიანები ევროპულ ღირებულებებს“, - აღნიშნა რატი იონათამიშვილმა.