"ზურა შვილო რა ჩუმად უთქმელად შეუწუხებლად წახვედი"- საბერძნეთში კიდევ ერთი ემიგრანტი დაიღუპა

საბერძნეთში ქართველი ემიგრანტი, ზურაბ ბაბუნაშვილი დაიღუპა. მას მეუღლე და მცირეწლოვანი შვილი ჰყავს. სოციალურ ქსელში ოჯახის წევრებისა და ნათესავების გამოსამშვიდობებელი წერილები ვრცელდება:

“ჩემო ძმაო, ჩემო ზურა როგორ მენანები მიწისთვის. 12 აპრილი მუდამ ტრაგიკული იქნება ჩვენი ოჯახისთვის უფალმა დაგიმკვიდროს ცათა სასუფეველი. მოგვცეს უნარი გავუძლოთ ამ დიდ ტრაგედიას… უფალს ებარებოდეს შენი სპეტაკი სული  გვეყვარები და გვემახსოვრები მუდამ ცოცხალი

“ზურა შვილო რა ჩუმად უთქმელად შეუწუხებლად წახვედი როგორ მინდა მოგფერებოდი და მეთქვა რა გაწუხებდა ეგებ კი დაგხმარებოდი ვინ იცის რამდენი ტკივილი წაიღე შენი გაბრიელი თეკლა როგორ გეძნელებოდა ალბათ მათი დატოვება თეონა როგორ მიატოვე თქვენ ხომ განსაკუთრებულად გიყვარდათ ერთმანეთი ჩემო კეთილო მორიდებულო ოჯახზე უზომოდ შეყვარებულო რა ძნელია რომ ვერ დაგიტირებ ზურა შვილო მეცოდები მენანები ასეთი ახალგაზრდა მიწისთვის მშვიდობით შვილო ზურა მიყვარხარ მსუბუქი იყოს უცხო ქვეყნის მიწა შენთვის გაცხონოს უფალს შევთხოვ მიყვარხარ და მომიტევე ოდესმე თუ გაწყენინე", - წერენ გარდაცვლილი ემიგრანტს ახლობლები სოციალურ ქსელში.