მეუფე იაკობი: რომელიმეს ჩვენზე ძალიან უყვარს ჩვენი ქვეყანა? ჩვენზე ვაჟკაცები არიან? რუსს რომ იძახიან და უარესად ექცევი, ასე შეიძლება?

„რომელიმეს ჩვენზე ძალიან უყვარს ჩვენი ქვეყანა? ჩვენზე ვაჟკაცები არიან? რუსს რომ იძახიან და უარესად ექცევი, ასე შეიძლება? იმან 20% მოახდინა, შენ რომ გონების ოკუპაციას უკეთებ ხალხს, შეიძლება?“ - ამის შესახებ ბოდბელმა ეპისკოპოსმა მეუფე იაკობმა ქადაგებისას განაცხადა.

მეუფე იაკობი მსოფლიოსა და საქართველოში მიმდინარე მოვლენებს გამოეხმაურა და გარე ჩარევებზე ისაუბრა.

„განა ნორმალურად ვიქცევით ქართველები, ჩვენ ხომ ღვთის ერი ვართ, ღვთის მადიდებელი ერი ვართ და შეიძლება ერთმანეთში ძალიან კარგი ურთიერთობები არ გვქონდეს? და გარეთ ვეძებდეთ ხალხს, რომ ჩვენი გამართლება ვიპოვოთ? ჩვენ ღმერთის იმედი უნდა გვქონდეს, ერთმანეთს უნდა დავეხმაროთ. რომელიმეს ჩვენზე ძალიან უყვარს ჩვენი ქვეყანა? ჩვენზე ვაჟკაცები არიან? სულ ვიბრძვით, ჩვენი ისტორია სულ ბრძოლაა. სულ გვიპრყობდნენ, მაგრამ მონები არასდროს არ ვყოფილვართ.

დღეს ვისაც დასავლეთისკენ ვითომ მიმართული აქვს, თავისუფლები არიან ჩვენსავით? განა ჩვენ მოგვწონს ყველაფერი თუნდაც აქ? პირველ რიგში დაპირისპირება არ მოგვწონს, არც ის არ მოგვწონს, რომ ამ უაზრო დაპირისპირებით ვიღაცები დასაჭერები ხდებიან. რუსს რომ იძახიან და რუსზე უარესად რომ ექცევი, ასე შეიძლება? იმან 20% ოკუპაცია მოახდინა, შენ რომ გონების ოკუპაციას უკეთებ ხალხს, შეიძლება?“ - აღნიშნა მეუფე იაკობმა.