“თინეიჯერი წამოვედი ევროპაში სასწავლებლად ორი ჩემოდნით, დღემდე აქ ვარ და არ ვაპირებ აქედან არსად წასვლას“ - გერმანიაში მცხოვრები ქართველი ექიმი და მუსიკოსი

"ევროპა და ამერიკიდან გამოგზავნილი ფულით (გინდ ემიგრანტების, გინდ სახელწიფოების დახმარება) არსებობს ასიათასობით ადამიანი და ივსება ბიუჯეტი საქართველოში!" - ფეისბუკ მომხმარებელი Le van House, რომელიც გერმანიაში მცხოვრები ექიმი და მუსიკოსია, საქართველოსა და ევროკავშირის თემას ეხმიანება:

"თინეიჯერი წამოვედი ევროპაში სასწავლებლად ორი ჩემოდნით. დღემდე აქ ვარ და არ ვაპირებ აქედან არსად წასვლას.

რატომ?

იმიტომ, რომ:

- აქ ქვეყანა მე ყველა ეტაპზე ზურგს მიმაგრებს;

- სწავლის დროს სტიპენდია დამენიშნა, პროფესორმა ასისტენტად ამიყვანა ხელფასით (რომ ნახა, რომ მის სემინარზე სამსახურის მერე დაღლილი ვიჯექი) და თან უამრავი შეღავათი მქონდა;

- შედეგი: ჩემი საქმის პროფესიონალი ვარ;

- ყოველთვის მქონდა სამსახური და თუ არ მქონდა, ჩემი ბრალი იყო;

- ევროპა დიდი ოჯახია - გერმანიიდან იტალიაში ისე გადავცხოვრდი სასწავლებლად, თითქოს მეზობელ ქუჩაზე გადავსულიყავი;

- სამედიცინო დაზღვევა მიხდის აბსოლუტურად ყველაფერს (გარდა ესთეტიკური მედიცინისა, ამასაც გააჩნია);

- “საქმის ჩაწყობა” - არც კი ითარგმნება გერმანულად (თუმცა კორუფცია რაღაც დონეზე არის, ბუნებრივია);

- არც “საქმის გარჩევა”;

- არც “ბოზი მამიდა”;

- არც “ჩემი დედა შევე@ი”;

- სტუდენტობისას ძვირი ტელეფონი თუ ტანსაცმელი მართლა გოიმობად ითვლებოდა;

- არავის აინტერესებს ვინაა მამაშენი და რა უბანში ცხოვრობ;

- ისაა უფრო ჭკვიანი, ვინც ნაკლები გადაიხადა რაღაცაში და არა ბეეევრი;

- თანასწორობა დაცულია კანონით;

- ჩემი ქალაქი პარკებითაა სავსე;

- საკვები იაფია;

- უამრავი სოციალური პროექტია უსახლკაროთათვის:

და ყველაზე მთავარი: აქ პენსიონრებს ყველაზე ფერადად აცვიათ!

არ დაგვავიწყდეს: ევროპა და ამერიკიდან გამოგზავნილი ფულით (გინდ ემიგრანტების, გინდ სახელწიფოების დახმარება) არსებობს ასიათასობით ადამიანი და ივსება ბიუჯეტი საქართველოში!!!

რა თქმა უნდა, იდეალური არც ევროპაა და საერთოდ არაფერი ადამიანური, მაგრამ უპირატესობა, პლუსი ევროპას უდავოდ ბევრი აქვს.

მე აქ ხელახლა დავიბადე და გავიცანი ჩემი თავი.

ახლა თქვენი ჯერია, თქვენი არჩევანის!"

წყარო