"ათენის საჯარო ტრანსპორტით მგზავრობისას, სიახლეებთან ერთად, ძალაში დარჩება ამჟამად არსებული ბილეთების ყველა ფორმა" - საელჩო

ათენის საჯარო ტრანსპორტით მგზავრობისას, სიახლეებთან ერთად, ძალაში დარჩება ამჟამად არსებული ბილეთების ყველა ფორმა.

ინფორმაციას ამის შესახებ საბერძნეთში საქართველოს საელჩო ავრცელებს:

"საბერძნეთში მცხოვრები ჩვენი თანამემამულეების მაღალი ინტერესიდან გამომდინარე, გაცნობებთ, რომ საელჩო დაუკავშირდა ათენის საქალაქო ტრანსპორტის ორგანიზაციას (O.A.Σ.A.) და ოფიციალურად მიმართა კითხვით, რა ცვლილებებია მოსალოდნელი უახლოეს მომავალში საბერძნეთის საზოგადოებრივი ტრანსპორტის სამგზავრო ბილეთების შეძენის წესთან დაკავშირებით.

ათენის საქალაქო ტრანსპორტის ორგანიზაციის (O.A.Σ.A.) მიერ მოწოდებული ინფორმაციის თანახმად, რომელსაც აქვე წარმოგიდგენთ, უცვლელი რჩება მგზავრების მიერ ელექტრონული ბილეთების და ელექტრონული ბარათების შეძენის/მოხმარების წესი.

რაც შეეხება სამგზავრო ბარათის საბანკო ბარათით შეძენის საკითხს («contactless»), სამომავლოდ იგეგმება, რომ ეს მეთოდი ძალაში შევიდეს საბერძნეთის დედაქალაქში ისევე, როგორც ეს ხდება ევროპის (და არა მხოლოდ) დიდ ქალაქებში. თუმცა, საბანკო ბარათების მოხმარება იქნება ნებაყოფლობითი და არა სავალდებულო.

„აღვნიშნავთ, რომ ზემოაღნიშნული სიახლის ძალაში შესვლის პარალელურად, ხმარებაში დარჩება ტრანსპორტით გადაადგილების არსებული სისტემა და ელექტრონული ბილეთებისა და ელექტრონული ბარათების გამოყენება, ასევე მათი გაცემის-გატარების ყველა არსებული პროცედურა“, - აღნიშნულია ინფორმაციაში. 

ასევე დაგაინტერესებთ:

* საგარეო უწყება: მკაცრად ვგმობთ რუსეთის დუმის თავმჯდომარის ოკუპირებულ აფხაზეთში ჩასვლას, რაც საერთაშორისო სამართლის ნორმების უხეშ დარღვევას წარმოადგენს

*  "მოსწავლეების მიმართ გარყვნილ ქმედებაში ბრალდებულ მასწავლებელს 8 წელი მიესაჯა" - ქალთა უფლებათა დაცვის ორგანიზაცია "საფარი"