„აუხსენით ჩემს ბავშვებს, რატომ გაწირეთ მათი დედა"- აცრის შედეგად გარდაცვლილი ქალის მეუღლე მიმართვას ავრცელებს

საბერძნეთში  AstraZeneca-ს  ვაქცინით აცრის შემდეგ,  44 წლის ქალს მძიმე გვერდითი მოვლენები განუვითარდა, რის შედეგადაც გარდაიცვალა.  

გარდაცვლილი ქალის მეუღლე, მანოლოს კრუვრისანაკისი  საბერძნეთის ვაქცინაციის ეროვნული კომიტეტის მიერ გაცემულ, ახალ რეკომენდაციებს გამოეხმაურა , რომლის მიხედვითაც, AstraZeneca -ს ვაქცინით მხოლოდ 60 წელს გადაცილებული მოქალაქეები აიცრებიან.  

,,ასეთი დაცინვა აღარ უნდა გაგრძელდეს, ეს იგივეა , რომ ვთქვათ ერთი ადამიანი დავკარგეთ მაგრამ არაუშავს სხვები გადავარჩინეთო, მინდა კომიტეტმა აუხსნას ჩემს შვილებს, თუ რატომ გაწირეს მათი დედა სხვების გადასარჩენად ?! "  - განაცხადა მან ტელეკომპანია ΑΝΤ1-სთან საუბრისას. 

მისი თქმით, ვაქცინაციის კომიტეტის ამგვარი გადაწყვეტილება "დანაშაულის აღიარებას უფრო ჰგავს" 

მან ასევე გაიხსენა მისი მეუღლის, გლიკერიას საავადმყოფოში მკურნალობის პერიოდი, როდესაც მასთან პირადი საუბრის დროს ექიმები აღნიშნავდნენ, რომ გლიკერიას ჯანმრთელობის პრობლემები, სავარაუდოდ, სწორედ ვაქცინაციით იყო გამოწვეული და ამავე დროს სთხოვდნენ მას, რომ ამ თემაზე ჟურნალისტებთან აღარ ესაუბრა. 

”სწორედ სამეცნიერო საზოგადოების მიერ დაშვებული შეცდომები და სინანული,  წარმოშობს საზოგადოებაში  დაბნეულობას ”, - თქვა გარდაცვლილი ქალის მეუღლემ.  

იხილეთ აგრეთვე:👇

🔵 „დაე, ჩემი ცოლის გარდაცვალებამ შეაგნებინოს მათ, რომ ადამიანის სიცოცხლე სასწორზე არ უნდა შემოდო“ - ვაქცინაციით გარდაცვლილი ქალის მეუღლე

🔵 „ველოდებით ექიმებისგან ჩემი მეუღლის გარდაცვალების შეტყობინებას“ - რა მდგომარეობაშია 3 შვილის დედა, რომელსაც აცრის შემდეგ თრომბი განუვითარდა?