“ახალ ციკლს ეყრება საფუძველი, ბევრის კომფორტი დაირღვევა, იმპერიები დაინგრევიან” - ასტროლოგი ხათუნა ნოელი

ბევრის კომფორტი დაირღვევა. საზღვრები შეიცვლება, ხოლო იმპერიები დაინგრევიან!" ასტროლოგი ხათუნა ნოელი ასტროლოგიური მოვლენის შესახებ წერს, რომელი პროგნოზის მიხედვითაც, არსებული რეალობა შეიცვლება:

"მსოფლიო შეიშალა.  
დღეს კუროს ზოდიაქოს მე-19 გრადუსზე მარსის, ურანის და აღმავალი კარმული კვანძის შეერთების პიკია.
ურანი - მოულოდნელად, ცვლილებები, განახლება.
მარსი - აგრესია, ომი, კონფლიქტი.
აღმავალი კვანძი - ფატალური გარდაუვალობა.
კურო - კომფორტის ზონიდან გასვლის აუცილებლობა, საზღვრების შეცვლა, ფინანსური სქემების რღვევა.

კუროს მე-19 გრადუსის განმარტება - '' წითლებში ჩაცმული კაცი მშვილდიდან ისრებს ესვრის მთვარეს''. მიუთითებს ადამიანზე, რომელსაც არ ძალუძს საკუთარი შესაძლებლობების შეფასება და უგუნურ და უაზრო ქმედებებს სჩადის. ასეთ ადამიანს ახასიათებს თავშეკავების ნაკლებობა  და მიდრეკილება გაღიზიანებისა და აგრესიულობისკენ. ამის გამო, მას ნდობა არ ექნება და საკუთარი ქმედებებით ტანჯვა მოუწევს. ეს არის ამაო ძალისხმევის სიმბოლო.

ეს  სამმაგი შეერთება უკანასკნელად 2007 წელს იყო, თუმცა არა კუროში, არამედ თევზებში, და ცხადია, მაშინ სხვა ტენდენციები გამოიწვია.

კუროში კი 25 საუკუნის წინ შეერთდა მარსი, ურანი და კარმული კვანძი. ჩვ.წ.აღ-მდე 342 წელს! მაშინ ალექსანდრე მაკედონელმა თავისი იმპერია შექმნა, რომელმაც შეიძლება ითქვას, დღემდე მოაღწია იმ კულტურულ საზღვრებში, რასაც ევროპა ჰქვია.ეს ციკლი, რაც მაშინ დაიწყო, ახლა სრულდება და ახალ ციკლს უნდა ჩაეყაროს საფუძველი.ბევრის კომფორტი დაირღვევა. საზღვრები შეიცვლება, ხოლო იმპერიები დაინგრევიან!" - წერს ხათუნა ნოელი.