"მინდა გაგახაროთ და გითხრათ რომ..." - რას წერს ასტროლოგი ხათუნა ნოელი

ასტროლოგი ხათუნა ნოელი ასტროლოგიური მოვლენის შესახებ გვესაუბრება, რომელიც ძალაში სულ რამდენიმე დღეში შევა:

"მინდა გაგახაროთ და გითხრათ, რომ ამ კვირის ზოგადი ფონი ძალზე კარგია.

რადგან ცაზე ძირითადად ჰარმონიული ასპექტები იყრიან თავს, და დასახული მიზნების მიღწევაში გვეხმარებიან.

ასე მაგალითად მთელი კვირას ფონად გასდევს მზისა და წარმატების და დიდი ბედნიერების პლანეტა იუპიტერის ურთიერთჰარმონიული განლაგება.

21 ნოემბრიდან მზე სწორედ იუპიტერის მიერ მართულ მშვილდოსანში იმოძრავებს , მივულოცავ ამ ზოდიაქოს წარმომადგენლებს მომავალ დაბადების დღეებს და ბედნიერ სოლარს ვუსურვებ!

ეს პერიოდი წარმატების მომტანია ხოლმე როგორც თავად მშვილდოსნებისათვის, ისე ცეცხლის სტიქიის სხვა ნიშნებისთვისაც, თავიანთი ინტერესების გატარებას შეძლებენ მერწყულებიცა და სასწორებიც.

დასახული გეგმების განხორციელების განსაკუთრებული შანსები აქვთ აგრეთვე პოლიტიკოსებს, ლექტორებს და პროფესორ–მასწავლებლებს, მოგზაურებს.

ძალზე კარგი დროა სამეცნიერო, შემოქმედებითი და ინტელექტუალური მუშაობისთვის, ასევე იურიდიული პრობლემების მოგვარებისა და სასამართლო საქმის წარმოებისთვის, სხვადასხვა სახის განცხადებებისა და საჩივრების განხილვისთვის.

წარმატებული იქნება საზღვარგარეთ მივლინებებიც.

რეკომენდებულია გაერთიანებების, საზოგადოებების, კლუბების ჩამოყალიბება, პოლიტიკური პარტიის რეგისტრაცია,სამსახურისა და ახალი საქმეების დაწყება,მოხსენებით გამოსვლა, საჯარო ლექციების ჩატარება, ცოდნის შეძენა, გამოცდების ჩაბარება.

წარმატებით შეგიძლიათ ახალი ნაცნობობა გააბათ.

განსაკუთრებით კი უცხოურ ფირმებთან კონტაქტების დასამყარებლად შეგეწყობათ ხელი.

ამ დღეებში დაწყებული რომანტიული ურთიერთობა დიდხანს შენარჩუნდება, თუ ორივე პარტნიორს მსგავსი მსოფლმხედველობა აქვს და ერთმანეთის პირად თავისუფლებას პატივს სცემს. ეს ურთიერთობა დაგეხმარებათ ახალი სოციალური ( მაღალი) საფეხურის მოპოვებაში.

კიდევ ერთი მნიშვნელოვანი მოვლენა ამ კვირაში გახლავთ -24 ნოემბრის ახალმთვარეობა თბილისის დროით 02:57-ზე მშვილდოსნის ნიშნის მე-2 გრადუსზე.

მზე, მთვარე მერკური და ვენერა ერთად იყრიან თავს ცის კაბადონზე. თუმცა რასაკვირველია ახალმთვარეობის დროს ღამის მნათობი საერთოდ არ ჩანს ხოლმე არც დღისით, არც ღამით, ის მზის სხივებში იკარგება.

ახლმთვარეობა მშვილდოსანში - ეს ის დრო გახლავთ, როდესაც ჩვენში მომავლის იმედები ისახება, ადამიანები ენთუზიაზმით იმსჭვალებიან და საკუთარი შესაძლებლობების უპირობოდ სჯერათ.

ზოგ შემთხვევაში ასეთი თავდაჯერებულობა ცოტათი გადაჭარბებულიც კი შეიძლება აღმოჩნდეს, რადგან ახალმთვარეობის ჟამს მარსისა და ნეპტუნის კვადრატი გვაქვს და ეს ჩვენს ნაბიჯებს ილუზორულობის საბურველში ახვევს.

ახალმთვარეობის ზეგავლენა გამოკვეთილად შესამჩნევი და სასიკეთო იქნება მშვილდოსნის, ლომებისა და ვერძის პირველ გრადუსებზე დაბადებული ადამიანებისათვის. ხოლო ტყუპების, თევზების და ქალწულის მე2 გრადუსის ახლოს დაბადებულებს , ან მათ ვისაც აქ პირადი პლანეტები ჰყავთ, შესაძლოა დაუფიქრებელმა ნაბიჯებმა სირთულეები მოუტანონ.

ამიტომ ვიდრე რამეს გადაჭრით გადაწყვეტდეთ, კარგად აწონ - დაწონეთ ყველაფერი.

სამაგიეროდ კარგი პერიოდია საკუთარი თავის მოტყუებაზე ხელის აღებისთვის, თვალების ფართოდ გახელისა და რეალობისთვის გასწორებისთვისაც.

დანარჩენი ზოდიაქოს ნიშნების წარმომადგენლებისათვის ახალმთვარეობის, მისი წინა და მომდევნო დღეები მეტ-ნაკლებად ნეიტრალური იქნება.

როგორც იცით, მთვარის ფაზის ცვლილება უკვე წინადღით იგრძნობა ხოლმე და ზეგავლენა მომდევნო დღეზეც გადადის.

შესაბამისად, 23, 24 და 25 რიცხვებში უნდა ყურადღებით ვიყოთ ყველანი განურჩევლად ზოდიაქოს ნიშნისა- მთვარე ყველასთვის საერთოა მთელ პლანეტაზე და მისი ენერგეტიკა ყველას გადმოგვეცემა.

ამ დროს იმუნიტეტი სუსტდება.

ამიტომ მნიშვნელოვანია გავუფთხილდეთ ორგანიზმს, არ გადავტვირთოთ, ჩავიცვათ ამინდის შესაფერისად, მოვერიდოთ გაციებას და რაღა თქმა უნდა მოვერიდოთ კონფლიქტურ სიტუაციებს.

ამას გარდა უშუალოდ ამ დღეს არ ღირს მნიშვნელოვანი საქმეების წამოწყება.

განსაკუთრებით კი ქირურგიული ჩარევებისათვის არის ეს დღე უკუნაჩვენები.

არარეკომენდებულია ახალი საქმეების წამოწყება, მით უმეტეს ხანგრძლივ პერიოდზე გათვლილი პროექტებისა.

ნუ მოაწერთ ამ დღეს ხელს კონტრაქტებს, ნუ გააფორმებთ ხელშეკრულებებს, არასასურველია მოგზაურობის წამოწყება, უმჯობესია აკეთოთ ყოველდღიური, ჩვეული საქმეები, შეგახსენებთ, რომ ეს ზოგადი პროგნოზია და უფრო მეტი სიზუსტისთვის საჭიროა პირადი რუკა.

კიდევ 1 მოვლენა, რითაც 24 ნოემბერი საინტერესოა ჩვენთვის - ამ დღეს იუპიტერი გახდება დირექტული.

ვინაიდან ის ჯერჯერობით თევზების ზოდიაქოში იმოძრავებს, უფრო მეტ წარმატებებს წყლისა და მიწის სტიქიის ნიშნებს მოუტანს.

თუმცა არც დანარჩენი ზოდიაქოებისათვის იქნება ცუდი იმ შანსების გამოყენება, რასაც რეტროგრადულობიდან დაბრუნებული იუპიტერი იძლევა-ანუ ყველაფერი ის, რაც მშვილდოსნურ თემატიკას თემას ეხება და რაზედაც ზევით უკვე ვისაუბრეთ...

რეტროგრადული იუპიტერის პატრონებს კი პირიქით - ამ ხნის მანძილზე რაკომენდაციას გავუწევდი ნაკლები აქტივობა გამოეჩინათ კარიერული წინსვლისათვის ზრუნვაში, იურიდიული საკითხების მოგვარებაში, უცხოეთთან ახალი კავშირების მოძიებაში და ახალ საგანმანათლებლო პროექტებში ჩართვაში.

აჯობებს მომდევნო რეტროგრადულობამდე უკვე წამოწყებული საქმეების დასრულებისათვის გამოიყენოთ, რაშიც მე, - თქვენი ხათუნა ნოელი, გისურვებთ წარმატებებს და გამარჯვებებს", - წერს ნოელი.

ასევე დაგაინტერესებთ:

* როგორ მოხვდა ბერბერული მაკაკა საზოგადოებრივი მაუწყებლის ეზოში? - "სინამდვილეში მამათა და შვილთა ბრძოლის კლასიკური სცენა გათამაშდა და დაჩაგრულმა უმცროსმა დაჰკრა ფეხი და სახლიდან გაიქცა"

* ირანელმა ფეხბურთელებმა მსოფლიო ჩემპიონატზე, ინგლისთან მატჩის წინ, პროტესტის ნიშნად, ჰიმნი არ იმღერეს

* აშშ-ს ელჩი: ვაგრძელებთ მიხეილ სააკაშვილის ჯანმრთელობის მდგომარეობის მეთვალყურეობას 

მასალის გამოყენების პირობები


მთავარი სიახლეები




სხვა სიახლეები

1669629600

ახალი ამბები

„ამ ქვეყანაში საპატრიარქო არის ერთ-ერთი ყველაზე დიდი ბოროტება და რუსეთის გაგრძელება“- ხათუნა სამნიძე

ამ ქვეყანაში საპატრიარქო არის ერთ-ერთი ყველაზე დიდი ბოროტება და რუსეთის გაგრძელება, რომელიც ცდილობს, საზოგადოებაში დათესოს ღვარძლი, ზიზღი, სიძულვილი და განახორციელოს კიდეც ძალადობა, –განაცხადა „რესპუბ...

ხათუნა სამნიძე -პოლიტიკოსი

1669628400

სოციალური მედია

"მეთოთხმეტე წელია შავი ლაბრადორი მყავს სახლში, არაერთხელ გავმხდარვარ აგრესიის სამიზნე მხოლოდ იმიტომ, რომ დიდი ტანის ძაღლი დამყავს ალიკაპის გარეშე"

"მეთოთხმეტე წელია შავი ლაბრადორი მყავს სახლში, არაერთხელ გავმხდარვარ აგრესიის სამიზნე მხოლოდ იმიტომ რომ დიდი ტანის ძაღლი დამყავს ალიკაპის გარეშე", - ამის შესახებ მომღერალი გიორგი სუხიტაშვილი სოციალურ...

გოგონა

1669626900

საზოგადოება

სამების საკათედრო ტაძარში რიგით 66-ე საყოველთაო ნათლობა გაიმართა - ილია მეორეს ჯამში ნათლული 45 000 ბავშვი ჰყავს

სამების საკათედრო ტაძარში რიგით 66-ე საყოველთაო ნათლობა გაიმართა. სრულიად საქართველოს კათოლიკოს-პატრიარქის ნათლული კიდევ 965 ბავშვი გახდა. ილია მეორის ნათლული ჯამში 45 000 ბავშვია. სამების საკათედრო ტ...

სამებაში დღეს საყოველთაო ნათლობა გაიმართება

1669625100

ახალი ამბები

რუსთავში 20 წლის გოგო დაჭრეს

რუსთავში სასტუმროსთან 20 წლის გოგო დაჭრეს. დაჭრილი რუსთავის ცენტრალურ საავადმყოფოში გადაიყვანეს. დაშავებულ დაზიანებები, სავარაუდოდ ცივი იარაღით, მუცლის არეში აქვს მიყენებული. არსებული ინფორმაციით, დაჭ...

სასწრაფო

1669623205

ახალი ამბები

ზუგდიდში მეზობელმა მეზობლის დაწვა სცადა და ბენიზინი შეასხა - ერთი მათგანი მძიმე მდგომარეობაშია, მეორე კი გარდაიცვალა

ზუგდიდში, კრასნოდარის ქუჩაზე, მეზობელმა მეზობელს ბენზინი შეასხა. 60 წლის კაცი მძიმე მდგომარეობაშია და ქუთაისის კლინიკაში წევს. ინფორმაციას "მთავარი არხი" ავრცელებს. დაპირისპირებაში მონაწილე 75 წლის კა...

ბენიზიი