ქალაქ ბარის საკვირაო სკოლა „იმედის“ მოსწავლეებს, მწერალ გივი ჩიღვინაძის წიგნები გადასცეს

ქალაქ ბარის საკვირაო სკოლა „იმედის“ მოსწავლეებს, მწერალ გივი ჩიღვინაძის წიგნები საჩუქრად გადასცეს. 

ინფორმაციას, „ასოციაცია "იმედი" კულტურულ-საგანმანათლებლო ცენტრი / Associazione IMEDI“ ავრცელებს. 

ასოციაციის დამფუძნებლისა და სკოლის ხელმძღვანელის, ცინარი ღვალაძის თქმით, სტუმრებმა ემიგრანტ ბავშვებს, მწერალ გივი ჩიღვინაძის წიგნები ავტორის ავტოგრაფით, საჩუქრად გადასცა. მწერალსა და ბავშვებს შორის  ასევე შედგა ონლაინ შეხვედრა. 

„ქალაქ ბარის საკვირაო სკოლა ,,იმედი" სკოლის დამფუძნებელთან, ცინარი ღვალაძესთან და მის გუნდთან ერთად ვულოცავთ ბატონ გივის იაკობ გოგებაშვილის სახელობის პრემიას და ვუსურვებთ შემდგომ წარმატებებს. სასიხარულოა რომ ამ მნიშვნელოვანი და მამულიშვილური ღონისძიების უშუალო მონაწილეები ვართ და ვმასპინძლობთ გამორჩეულად საყვარელ და საპატიო სტუმრებს! ეს შეხვედრაც შედგა და დიდი სიხარული მოუტანა ჩვენს საყვარელ მოსწავლეებს იმ წიგნების სახით რაც მან უსახსოვრა!

უღრმესი მადლობა ამ ღონისძიების ორგანიზატორს ქალბატონ თეონა ბოტკოველს და ჩვენს სტუმარს ხათუნა ბოლაშვილს. მადლობა ყველას ვინც იყო უშუალო მონაწილე ამ ლამაზი და სასიამოვნო დღის! უამრავი წარმატება ყველას საშვილიშვილო და ჭეშმარიტად მამულიშვილურ საქმეში“ - წერია „იმედის“ მიერ გავრცელებულ ინფორმაციაში. 

აგრეთვე დაგაინტერესებთ:

📌 50 ქართველი ემიგრანტი ბავშვის მშობლიური კერა იტალიაში