გაიცანით, ახალგაზრდა დეველოპერები - „იდეა ქმნის მომავალს“

გაიცანით, ახალგაზრდა დეველოპერები, ცოტნე ცნობილაძე და სანდრო კვიჟინაძე. ისინი სსიპ მიხეილ გაფრინდაშვილის სახელობის ლაგოდეხის 1 საჯარო სკოლის მოსწავლეები არიან.

ორმა მოსწავლემ შექმნა ჯგუფი - „Youngdevelopers“ (ახალგაზრდა დეველოპერები), რომელიც ქვეყანაში პროგრამირების სფეროს პოპულარიზაციას და გაფართოებას ემსახურება. გუნდი დაკომპლექტებულია ახალგაზრდა მიზანდასახული კადრებისგან, რომლებიც მზად არიან გაუზიარონ თავიანთი ცოდნა და გამოცდილება ამ თემით დაინტერესებულ ადამიანებს.

გუნდის კომპეტენციაში შედის ღონისძიებების, ვორქშოფების, ან ტრენინგების მოწყობა, რათა დაინტერესებულ პირებს, განსაკუთრებით კი დამწყებ ახალგაზრდებს ხელი შეუწყონ უფრო სიღრმისეულად გაეცნონ პროგრამირების სფეროს და ასევე ითანამშრომლონ პროექტებსა თუ სხვადასხვა ინიციატივებში.

„Youngdevelopers“ მიზანია ხელი შეუწყონ საქართველოში ტექნოლოგიების განვითარებას. ახალგაზრდა დევლოპერების პლატფორმა არის საზოგადოებაზე ორიენტირებული ჯგუფი, რომელიც ცდილობს შექმნას მხარდამჭერი და თანამშრომლობითი გარემო დამწყები პროგრამისტებისთვის.

„Youngcommunity“ - ეს არის კითხვა-პასუხის ვებ გვერდი; პლატფორმა მომხმარებელს საშუალებას აძლევს დასვას შეკითხვები და თავადაც გასცეს პასუხი პროგრამირებასთან დაკავშირებულ ნებისმიერ საკითხს. აქ ხდება ცოდნისა და შეხედულებების გაზიარება. პლატფორმა ადაპტირებულია ყველა დონის პროგრამისტისთვის - დამწყებიდან ექსპერტამდე. ეს არის პროექტი, პროგრამისტებისთვის, რომლებიც ცდილობენ გაიღრმაონ ცოდნა და განავითარონ თავიანთი უნარები.

მედიაპლატფორმა Exclusivetv.ge ახალგაზრდა დეველოპერებს წარმატებებს უსურვებს!