„ისევ სიცოცხლისთვის ვიბრძვით, სხვა ყველაფერზე ძალიან ადრეა ლაპარაკი“ - როგორია 8 წლის დათის ჯანმრთელობის მდგომარეობა?

ბავშვს, რომელსაც თბილისში ტროტუარზე მდგარს მანქანა დაეჯახა ფეხის ამპუტაცია დასჭირდა. იგი სამკურნალოდ ისრაელის ერთ-ერთ კლინიკაში გადაიყვანეს და ამ დრომდე რეანიმაციულ განყოფილებაშია მოთავსებული.

8 წლის დათის დედა, ქრისტინე მამუკაშვილი სოციალურ ქსელში დათას ჯანმრთელობის მდგომარეობის შესახებ უახლეს ცნობებს აქვეყნებს.

„ვიცი რომ ყველას გაინტერესებთ დათიკოს მდგომარეობა და უღრმესი მადლობა ამისთვის. 

შეგნებულად არ ვწერ არაფერს, რადგან არ მინდა რამე ისეთი დავწერო რაც ყველას გულს გვატკენს.

მთელი გულით მჯერა რომ დადგება ის მომენტი როცა კარგი ამბებით გაგახარებთ,  ჯერჯერობით ისევ სიცოცხლისთვის ვიბრძვით, სხვა ყველაფერზე ძალიან ადრეა ლაპარაკი.

ექიმებიც ჯერჯერობით ვერაფრით მაიმედებენ, თუმცა მე ღრმად მწამს რომ უფალი დათიკოს მეორედ მაჩუქებს“ - წერს შარტავას ქუჩაზე ავტოსაგზაო შემთხვევის დროს დაშავებული დათას დედა. 

შეგახსენებთ, 8 წლის ბავშვს ავტომობილი 31 მარტს, დილით დაეჯახა. დაშავებულს რამდენიმე გადაუდებელი ოპერაცია ჩაუტარდა. მას მარჯვენა ფეხის ამპუტაცია დასჭირდა.

მძღოლი დაკავებულია, იგი ბრალს აღიარებს.

დათას ჩვენი დახმარება სჭირდება. დახმარების მსურველებს შეგიძლიათ თანხა ჩარიცხოთ, მითითებულ ანგარიშის ნომერზე.

თითოეული ლარი მნიშვნელოვანია!
გავერთიანდეთ დათისთვის!
მიმღები: ქრისტინე მამუკაშვილი, დედა
TBC: #GE05TB7962745064300024
BOG: #GE90BG0000000101545483
#დათისთვის

ასევე საინტერესოა:

🔵  „უკიდურესად დიდი შეცდომა დაუშვით“ - რატომ აკრიტიკებს ინგა გრიგოლია „ნაციონალურ მოძრაობას“?

🔵 მოვიწამლეთ ქიმიური ნივთიერება " ზარინი"- თ რაღაც გაურკვეველ ნარევთან ერთად - რას წერს უკრაინაში მებრძოლი ნადიმ ხმალაძე

🔵 „ჩემს ცოცხალ მეგობარს დილით მიუვიდა სმს ბანკიდან, ბარათი დაბლოკილი გაქვთ, გარდაცვალების გამო და დიდი მადლობა ჩვენი ერთგულებისა და თანამშრომლობისთვისო“ - რას წერს მედეა ჩარკვიანი?