კულტურის სექტორში თავისუფალი პროექტების ხელშეწყობის მიზნით, კულტურის სამინისტრომ კონკურსი გამოაცხადა

საქართველოს კულტურის, სპორტისა და ახალგაზრდობის სამინისტრომ გამოაცხადა კონკურსი „კულტურის სექტორში თავისუფალი პროექტების ხელშეწყობა“. კონკურსის პირობებსა და ვადებზე საქართველოს კულტურის, სპორტისა და ახალგაზრდობის მინისტრმა, თეა წულუკიანმა დღეს გამართულ ბრიფინგზე ისაუბრა.

როგორც წულუკიანმა აღნიშნა, მიმდინარე წელსაც კონკურსი ორ ეტაპად გამოცხადდება. დღეს გამოცხადებული კონკურსის ბიუჯეტია 300 000 ლარი. 2023 წელს ამ მიზნით გამოყოფილი ჯამური ბიუჯეტი 683 720 ლარს შეადგენს.

კონკურსის მიზანია თავისუფალი შემოქმედებითი და სამეცნიერო პოტენციალის წარმოჩენისა და განვითარებისათვის ხელსაყრელი პირობების შექმნა, კულტურული თვითგამოხატვის მრავალფეროვნების, ახალი იდეების განხორციელების ხელშეწყობა და ქვეყანაში კულტურული ცხოვრების გააქტიურება. კონკურსი აერთიანებს შემდეგ დარგებს: სახვითი და გამოყენებითი ხელოვნება, მუსიკა, ანიმაცია, ფოტოგრაფია, ახალი მედია, მედიახელოვნება.

2022 წელს კონკურსის ჯამური ბიუჯეტი იყო 660 422 ლარი. კონკურსში მონაწილეობდა 275 ადამიანი. გაიმარჯვა 30-მა პროექტმა.

კონკურსში მონაწილეობის უფლება აქვთ საქართველოში რეგისტრირებულ იურიდიულ და ფიზიკურ პირებსა და ინდივიდუალურ მეწარმეებს. ერთ კონკურსანტს შეუძლია მხოლოდ ერთი საპროექტო განაცხადის წარმოდგენა. შესაძლოა, კონკურსში უპირატესობა მიენიჭოს პროექტს, რომლის დაფინანსების შესაძლებლობას არ ითვალისწინებს „კულტურის ხელშეწყობის პროგრამის“ რომელიმე ქვეპროგრამა.

კონკურსში წარმოდგენილი საპროექტო/საკონკურსო განაცხადით გათვალისწინებული პროექტის/ღონისძიების დაწყების თარიღად განისაზღვრება 2023 წლის 27 თებერვალი, ხოლო პროექტის დასრულების თარიღად – 2023 წლის 15 ნოემბერი.

საკონკურსო განაცხადები მიიღება 2023 წლის 25 იანვრიდან 2023 წლის 3 თებერვლის 12:00 საათამდე ნაბეჭდი სახით კულტურის, სპორტისა და ახალგაზრდობის სამინისტროში ან ელექტრონული დოკუმენტის სახით სამინისტროს ოფიციალური ელექტრონული ფოსტით – info@culture.gov.ge.

მსურველებს შეუძლიათ, კონსულტაციებისთვის დაუკავშირდნენ სამინისტროს ცხელ ხაზს, ტელეფონის ნომერზე – 032 2 022229; 599 25 21 88, სამუშაო საათების განმავლობაში.

ინფორმაცია კონკურსში გამარჯვებული პროექტების შესახებ გამოქვეყნდება სამინისტროს ოფიციალურ ფეისბუკგვერდზე არაუგვიანეს 2023 წლის 17 თებერვლისა.

ასევე დაგაინტერესებთ:

* "პაციენტი როცა მართვის სუნთქვაზეა, ზედოზირებით ვერ გარდაიცვლება, გარდაცვალების მიზეზია სხვაა" - ნარკოლოგი ზურა მხეიძე კორონავირუსით გარდაცვლილი ფეხბურთელის საქმის ალტერნატიულ ექსპერტიზაზე    

მასალის გამოყენების პირობები





სხვა სიახლეები

1674928800

საზოგადოება

ბათუმში ქალის სიკვდილის ფაქტზე გამოძიება განზრახ მკვლელობის და ძალადობის მუხლებით მიმდინარეობს, დაკავებულია ერთი პირი

ბათუმში ახალგაზრდა ქალის გარდაცვალების ფაქტზე, შინაგან საქმეთა სამინისტრომ დააკავა ერთი პირი, რომელსაც ბრალდება ძალადობის მუხლით აქვს წარდგენილი. პროკურატურის მტკიცებით, 26 იანვარს, ბათუმის ერთ-ერთ კა...

მკვლელობა ბათუმში

1674926400

საზოგადოება

პირველი არხის თანამშრომელს, მარიამ ჭელიძეს საზოგადოების მხარდაჭერა სჭირდება

პირველი არხის თანამშრომელს, ჩვენს მეგობარს და კოლეგას, მარიამ ჭელიძეს საზოგადოების მხარდაჭერა სჭირდება. მარიამი 2016 წლიდან ებრძვის მძიმე დაავადებას. მას თურქეთის კლინიკაში არაერთი ოპერაცია ჩაუტარდა....

ჭელიძე

1674924600

საზოგადოება

ხაბეიშვილი: უახლოეს პერიოდში რატი ბრეგაძე გაურთულდება პოლიტიკური საქმიანობის განხორციელება, ამაში დარწმუნებული ვარ, თუ უნდა, მუქარად მიიღოს

"მიხეილ სააკაშვილი ხელისუფლებას არ გადაჰყავთ რეანიმაციულ განყოფილებაში ერთი მიზეზით, რომ სასამართლოსთვის შეუძლებელი არ იყოს ტყვეობაში დატოვოს", – ამის შესახებ „ნაციონალური მოძრაობის“ თავმჯდომარეობის კ...

ლევან ხაბეიშვილი - პოლიტიკოსი

1674921900

საზოგადოება

"რძის ნაწარმის კონტეინერში რომ შეიმალა და მერე ხინკალი შეუკვეთა თემქაზე, ამასაც ვიღაცას აბრალებს" – აბსანძე სააკაშვილზე

ჟურნალისტი, ირაკლი აბსანძე სოციალურ ქსელში წერს: "ტიპს საერთოდ არაფერზე უნდა პასუხისმგებლობის აღება. რძის ნაწარმის კონტეინერში რომ შეიმალა, შავი ზღვა გადმოლახა და მერე ხინკალი შეუკვეთა თემქაზე, ამასაც...

საზოგადოება

1674919800

მსოფლიო

ევროკავშირი ისრაელს მოუწოდებს, ლეტალური საშუალება, როგორც უკიდურესი ზომა, მხოლოდ გარდაუვალ შემთხვევებში გამოიყენოს

ევროკავშირი ისრაელს მოუწოდებს, ლეტალური საშუალება, როგორც უკიდურესი ზომა, მხოლოდ გარდაუვალ შემთხვევებში გამოიყენოს. ევროკავშირის საგარეო ქმედებათა სამსახურის მიერ გავრცელებულ განცხადებაში, აღნიშნულია,...

ზოგადი