მნიშვნელოვანია, სკოლები დარჩეს ღია და ბავშვებს განათლების მიღების საშუალება მიეცეს - ეკატერინე ტიკარაძე

ეკატერინე ტიკარაძემ ჯანდაცვის მსოფლიო ორგანიზაციის ევროპის რეგიონულ დირექტორთან „ომიკრონთან“ დაკავშირებული საკითხები განიხილა.

მხარეებმა COVID 19-ს ახალი შტამი - ომიკრონი, მის მიმართ ვაქცინაციის ეფექტურობა და დაავადების მიმდინარეობა განიხილეს. 

„კორონავირუსის ახალი ქვეტიპისგან საქართველო ჯერჯერობით თავისუფალია, თუმცა ეპიდემიოლოგიური მდგომარეობა ქვეყანაში ისევ მძიმე რჩება. საგანგაშო ნიშნულს აღწევს ლეტალობის მაჩვენებელი, ბოლო 24 საათში COVID-19-ს 80 ადამიანი ემსხვერპლა, 5050 დაინფიცირდა, დღიურად აცრილთა რაოდენობა კი 13 603-ს აღწევს“, - ამბობს საქართველოს ჯანდაცვის მინისტრი.

მისი თქმით, კორონავირუსის სუსტ მიმდინარეობასთან დაკავშირებით მეტი ინფორმაცია ჯანდაცვის სფეროს 2 კვირაში ექნება.

ეკატერინე ტიკარაძე აღნიშნავს, რომ აუცილებელია სასკოლო დაწესებულებები არ დაიხუროს, რათა ბავშვებს განათლების საშუალება მიეცეს.

"2 კვირაში მათ ექნებათ გაცილებით მეტი ხედვა იმასთან დაკავშირებით თუ როგორია ვირუსის სუსტი მიმდინარეობა, თუმცა ის 5 ეფექტური ხელსაწყო, რომელიც დღესდღეობით ჩვენ გაგვაჩნია, კვლავ ძალაში რჩება. ეს არის ვაქცინაცია, ბუსტერის გამოყენება, პირბადე, სოციალური დისტანცია.

მნიშვნელოვანი არის, რომ სკოლები დარჩეს ღია და ბავშვებს განათლების მიღების საშუალება მიეცეს," - განაცხადა ჯანდაცვის მინისტრმა.

ასევე საინტერესოა:

🔵 რატომ ვერ ჩაიტანა ქართული ღვინის სააგენტომ ბერლინის ფესტივალზე ღვინო?!

🔵 სახალხო დამცველი: შეიძლება დემოკრატიის უკუსვლაზეც ვისაუბროთ