სალომე ზურაბიშვილი: გრიგოლ ფერაძე ქართველებს გვაძლევს რწმენას, რომ არ ვართ ერთმანეთის მოძულე ერი, ჩვენში სხვა შესაძლებლობები და ღირსებებია, ამ ღირსებებს უნდა დავუბრუნდეთ

საქართველოს პრეზიდენტი სალომე ზურაბიშვილი პოლონეთში, ქალაქ ოსვენციმში, გრიგოლ ფერაძის მოწამებრივი სიკვდილიდან 80 წლისთავისადმი მიძღვნილ ღონისძიებაზე სიტყვით გამოვიდა.

სალომე ზურაბიშვილის თქმით, გრიგოლ ფერაძე ქართველებს აძლევს რწმენას, რომ არ არიან ერთმანეთის მოძულე ერი, მათში სხვა შესაძლებლობები და ღირსებებია და ამ ღირსებებს უნდა დაუბრუნდნენ.

ძალიან რთულია, ამ ადგილას ადამიანმა მოძებნოს სწორი სიტყვები, რათა გამოხატოს ის, რაც აქ ხდებოდა. აქ ალბათ, ჯოჯოხეთის კართან ვიმყოფებით. აქ არის ყველაზე დიდი ადამიანური სირცხვილი, თუ სადამდე შეიძლება, მივიდეს ადამიანი სიძულვილითა და ტოტალიტარიზმით, ტოლერანტობის არარსებობითა და სხვისი აუტანლობით. აქ არის ადგილი, სადაც ალბათ გვინდა, ვთქვათ: „ეს აღარასოდეს მოხდება, ეს იყო 80 წლის წინ, ამ საუკუნეში ამას აღარ ვნახავთ“. მაგრამ დღესაც არსებობს ადგილები – ბუჩა, ირპენი, სადაც ადამიანები ადამიანებს ექცევიან ისე, რომ მათი საქციელი უნდა დავგმოთ. აქედან, 1000 კილომეტრში კატინია.

ეს არის ადგილი, სადაც შეიძლება, დავკარგოთ იმედი. ადგილი, სადაც აუცილებლად უნდა ვთქვათ და გავიმეოროთ – „გვიხსენ შენ ბოროტისგან“, მაგრამ ამავდროულად, ეს არის იმედის ადგილი. ეს არის ადგილი, სადაც ჩვენი თანამემამულე, წმინდა გრიგოლ ფერაძე მოვიდა და თავდადებით აღესრულა სხვებისთვის. ეს არის ადგილი, სადაც მან გვიჩვენა მაგალითი იმისა, რას ნიშნავს ადამიანის ღირსება. მისი, როგორც სხვა ბევრის თავდადება, არის ის, რაც ჩვენ გვაძლევს იმედს, რომ ადამიანი სხვაგვარია. გრიგოლ ფერაძე არის ადამიანი, რომელიც ჩვენ, ქართველებს გვაძლევს რწმენას, რომ არ ვართ მხოლოდ ის, რაც დღეს ჩანს – ერთმანეთის მოძულე ერი. ჩვენ შეიძლება, სხვა ვიყოთ, რომ ჩვენში სხვა შესაძლებლობები, სხვა ღირსებებია და ამ ღირსებებს უნდა დავუბრუნდეთ.

გრიგოლ ფერაძე არის ადამიანი, რომელიც უპირველესი გაგებით, ევროპელი იყო. მან ისწავლა ბერლინში, ვარშავაში, პარიზში, ლონდონში და ეს ყველაფერი ამ კედლებში დატოვა. იგი ქართული ეკლესიის ისტორიკოსი იყო, ყველგან ეძებდა იმ ხელნაწერებს, რითაც შეივსებოდა ქართული ეკლესიის ისტორია – პალესტინაში, ჯვრის მონასტერში და სხვა ადგილებში. დღეს, 6 დეკემბერია, მისი გარდაცვალების დღე. გავიხსენოთ გრიგოლ ფერაძე, გავიხსენოთ ის, რაც მან დაგვიტოვა, რომ ჩვენ გვჯეროდეს ადამიანისა, არ დავკარგოთ რწმენა და გვჯეროდეს საქართველოს ღირსებისა“, – განაცხადა სალომე ზურაბიშვილმა.

 

მასალის გამოყენების პირობები





სხვა სიახლეები

1674931537

საზოგადოება

"კირკიტაძე სააკაშვილს აგინებს - სააკაშვილია პარტნიორების ცილისწამების სულის ჩამდგმელი"

„ტაბულას“ რედაქტორი, თამარ ჩერგოლეიშვილი სოციალურ ქსელში წერს: "მერაბიშვილს ცილს სააკაშვილი სწამებს. ეს იცის ყველამ, ვინც ახლა მერაბიშვილის ცილისმწამებლებს აგინებს. კირკიტაძე სააკაშვილს აგინებს. სააკა...

ზოგადი

1674928800

საზოგადოება

ბათუმში ქალის სიკვდილის ფაქტზე გამოძიება განზრახ მკვლელობის და ძალადობის მუხლებით მიმდინარეობს, დაკავებულია ერთი პირი

ბათუმში ახალგაზრდა ქალის გარდაცვალების ფაქტზე, შინაგან საქმეთა სამინისტრომ დააკავა ერთი პირი, რომელსაც ბრალდება ძალადობის მუხლით აქვს წარდგენილი. პროკურატურის მტკიცებით, 26 იანვარს, ბათუმის ერთ-ერთ კა...

მკვლელობა ბათუმში

1674926400

საზოგადოება

პირველი არხის თანამშრომელს, მარიამ ჭელიძეს საზოგადოების მხარდაჭერა სჭირდება

პირველი არხის თანამშრომელს, ჩვენს მეგობარს და კოლეგას, მარიამ ჭელიძეს საზოგადოების მხარდაჭერა სჭირდება. მარიამი 2016 წლიდან ებრძვის მძიმე დაავადებას. მას თურქეთის კლინიკაში არაერთი ოპერაცია ჩაუტარდა....

ჭელიძე

1674924600

საზოგადოება

ხაბეიშვილი: უახლოეს პერიოდში რატი ბრეგაძე გაურთულდება პოლიტიკური საქმიანობის განხორციელება, ამაში დარწმუნებული ვარ, თუ უნდა, მუქარად მიიღოს

"მიხეილ სააკაშვილი ხელისუფლებას არ გადაჰყავთ რეანიმაციულ განყოფილებაში ერთი მიზეზით, რომ სასამართლოსთვის შეუძლებელი არ იყოს ტყვეობაში დატოვოს", – ამის შესახებ „ნაციონალური მოძრაობის“ თავმჯდომარეობის კ...

ლევან ხაბეიშვილი - პოლიტიკოსი

1674921900

საზოგადოება

"რძის ნაწარმის კონტეინერში რომ შეიმალა და მერე ხინკალი შეუკვეთა თემქაზე, ამასაც ვიღაცას აბრალებს" – აბსანძე სააკაშვილზე

ჟურნალისტი, ირაკლი აბსანძე სოციალურ ქსელში წერს: "ტიპს საერთოდ არაფერზე უნდა პასუხისმგებლობის აღება. რძის ნაწარმის კონტეინერში რომ შეიმალა, შავი ზღვა გადმოლახა და მერე ხინკალი შეუკვეთა თემქაზე, ამასაც...

საზოგადოება