ალექსანდრა კუვაევა იუნიორთა მსოფლიო თასის გამარჯვებულია

ალექსანდრა კუვაევა თბილისში მიმდინარე იუნიორ ხმლით მოფარიკავეთა მსოფლიო თასის გამარჯვებულია. 

საქართველოს ნაკრების გამორჩეულმა წევრმა 1/2 ფინალში ნეიტრალური სტატუსით მოასპარეზე პოლინა მიშაკინა 15:12 დაამარცხა, ხოლო ფინალში ავსტრალიელ ვერონიკა ვასილევას 15:13 მოუგო და ჩემპიონი გახდა. 

ალექსანდრამ, საკუთარი ნიჭითა და ფარიკაობის გამორჩეული სტილით,  უკვე დიდი ხანია სპეციალისტთა ყურადღება მიიქცია. გასულ სეზონში ევროპის კადეტთა ციკლში, სამივე სინჯის მედალი მოიპოვა და 15 წლის ასაკში, EFC (ევროპის ფარიკაობის კონფედერაცია)-ის კადეტ მოფარიკავეთა რეიტინგის ლიდერი გახდა.

წელს, იანვრის ბოლოს რუმინეთის დედაქალაქში კიდევ ერთხელ მოიგო ევროპის თასი, დღეს კი უკვე იუნიორთა (20 წლამდე მოფარიკავეთა) მსოფლიო თასის ჩემპიონია, რაც 16 წლის ასაკში ადვილი არ არის. 
ალექსანდრამ, რომელიც შიდა შეჯიბრებებში აჭარის სახელით გამოდის, სერიოზულად ხმლით ფარიკაობა, გამოცდილი მწვრთნელის მერაბ ბაზაძის ხელმძღვანელობით დაიწყო, დღეს კი ფრანგი არნო შნაიდერი ავარჯიშებს.

უახლოესი შეჯიბრიბა კი 22-29 თებერვალს, იტალიის ქალაქ ნეაპოლში გასამართი კადეტ და იუნიორ მოფარიკავეთა ევროპის ჩემპიონატია, სადაც ალექსანდრა კუვაევა ერთ-ერთი ფავორიტის რანგში იასპარეზებს.

წყარო: საქართველოს ფარიკაობის ფედერაცია