ოქროს ბურთი მესის მერვედ, კვარაცხელიას მე-17 ადგილი

პარიზში გაიმართა ოქროს ბურთის გადაცემის ცერემონიალი და როგორც მოსალოდნელი იყო, ჯილდო მსოფლიოს ჩემპიონ ლიონელ მესის გადაეცა. 

ჟურნალი France Football საუკეთესო ფეხბურთელს "ოქროს ბურთით", იგივე Ballon d'Or-ით 1956 წლიდან, ყოველწლიურად აჯილდოებს. გამარჯვებულს სხვადასხვა ქვეყნის ჟურნალისტები ხმის მიცემით ავლენენ. 2010-იდან 2015 წლამდე France Football და ფიფა გამარჯვებულს ერთად - "ფიფას ოქროს ბურთით" აჯილდოებდნენ, თუმცა, 2016 წლიდან მხარეებმა თანამშრომლობა აღარ ისურვეს.

საუკეთესო ახალგაზრდა ფეხბურთელად ჯუდ ბელინგემი (დორტმუნდი/რეალი) დაასახელეს.

საუკეთესო ქალ ფეხბურთელად აიტანა ბონმატი (ბარსელონა) აღიარეს, ხოლო ქალთა საუკეთესო გუნდად - "ბარსელონა".

საუკეთესო მეკარედ ემილიანო მარტინესი (ასტონ ვილა/არგენტინის ნაკრები) მიიჩნიეს.

წლის ბომბარდირის პრიზით ერლინ ჰოლანი (მანჩესტერ სიტი) დააჯილდოვეს.

საუკეთესო კლუბად ზედიზედ მეორედ "მანჩესტერ სიტი" დასახელდა.

ჰუმანიტარულ მოღვაწეობაში შეტანილი წვლილისთვის ვინისიუსს (რეალი) სოკრატესის პრემია გადაეცა.

"ნაპოლის" ქართველი ვარსკვლავი ხვიჩა კვარაცხელია, რომელიც ღონისძიებას მეუღლესთან ერთად ესწრებოდა, გამოკითხვაში მე-17 ადგილი დაიკავა. 

ნომინანტთა სრული სია ასე გამოიყურება:

1. ლეო მესი (არგენტინა)
2. ერლინ ჰოლანი (ნორვეგია)
3. კილიან მბაპე (საფრანგეთი)
4. კევინ დე ბრუინი (ბელგია)
5. როდრი (ესპანეთი)
6. ვინისიუსი (ბრაზილია)
7. ხულიან ალვარესი (არგენტინა)
8. ვიქტორ ოსიმენი (ნიგერია)
 9. ბერნარდო სილვა (პორტუგალია)
10. ლუკა მოდრიჩი (ხორვატია)
11. მოჰამედ სალაჰი (ეგვიპტე)
12. რონერტ ლევანდოვსკი (პოლონეთი)
13. იასინ ბონო (მაროკო)
14. ილკაი გიუნდოგანი (გერმანია)
15. ემილიანო მარტინესი (არგენტინა)
16. ქარიმ ბენზემა (საფრანგეთი)
17. ხვიჩა კვარაცხელია (საქართველო)18. ჯუდ ბელინგემი (ინგლისი)19.ჰარი კეინი (ინგლისი)20. ლაუტარო მარტინესი (არგენტინა)21. ანტუან გრიზმანი (საფრანგეთი)22. კიმ მინ ჯე (სამხრეთ კორეა)23. ანდრე ონანა (კამერუნი)24. ბუკაიო საკა (ინგლისი)25. იოშკო გვარდიოლი (ხორვატია)26. ჯამალ მუსიალა (გერმანია)27. ნიკოლო ბარელა (იტალია)28. რანდალ კოლო მუანი (საფრანგეთი)29. მარტინ ოდეგორი (ნორვეგია)30. რუბენ დიაში (პორტუგალია)