უკრაინის გენშტაბი: „აზოვსტალიდან“ ევაკუირებულია 264 მებრძოლი

უკრაინის გენერალური შტაბი სოციალურ ქსელში განცხადებას ავრცელებს და წერს, რომ გარნიზონმა „მარიუპოლმა“ დაკისრებული საბრძოლო ამოცანა შეასრულა, „აზოვსტალის“ ტერიტორიაზე მყოფი ქვედანაყოფების მეთაურებმა მიიღეს პირადი შემადგენლობის სიცოცხლის გადარჩენის ბრძანება. 

„გარნიზონმა „მარიუპოლმა“ შეასრულა დაკისრებული საბრძოლო ამოცანა. უმაღლესი სამხედრო სარდლობის მიერ „აზოვსტალში“ მყოფი ქვედანაყოფების მეთაურებისთვის გასცა ბრძანება, გადაარჩინონ პირადი შემადგენლობის სიცოცხლე. მიმდინარეობს ქარხნის ტერიტორიაზე ბლოკირებული უკრაინის დამცველების გადარჩენის ოპერაცია“, – წერია გენშტაბის განცხადებაში.

უკრაინის თავდაცვის სამინისტროს ცნობით, 16 მაისს „აზოვსტალიდან“ განხორციელდა მძიმედ დაჭრილი 53 სამხედროს ევაკუაცია, ისინი ოკუპირებულ ტერიტორიაზე მდებარე ქალაქ ნოვოაზოვსკის სამედიცინო დაწესებულებაში არიან გადაყვანილი. უკრაინული მხარის ცნობით, კიდევ 211 დამცველი ჰუმანიტარული დერეფნით ევაკუირებულია ელენოვკაში, მათი გაცვლის პროცედურით უკრაინის მიერ კონტროლირებად ტერიტორიაზე შემდგომი დაბრუნებით.

„82 დღის განმავლობაში „აზოვსტალში“ პოზიციების შენარჩუნებით უკრაინელმა დამცველებმა არ მისცეს საშუალება მოწინააღმდეგეს, ბატალიონის 17 ტაქტიკური ჯგუფი სხვა მიმართულებებზე გადაესროლა და ამით ხელი შეუშალეს ზაპოროჟიეს სწრაფი დაკავების გეგმასა და დონეცკისა და ზაპოროჟიეს ოლქების ადმინისტრაციულ საზღვრებზე გასვლას.

„მარიუპოლის გარშემო მოწინააღმდეგეების ძალების შეკავებამ საშუალება მოგვცა, მოგვემზადებინა და შეგვექმნა თავდაცვითი ხაზები, რომლებზეც ჩვენი ჯარები იმყოფებიან დღესაც და აგრესორს ღირსეულად იგერიებენ. ჩვენ კრიტიკულად აუცილებელი დრო მოვიპოვეთ რეზერვების ფორმირებისთვის, ძალების გადაჯგუფებისთვის, პარტნიორებისგან დახმარების მიღებისთვის“, – ნათქვამია გენშტაბის განცხადებაში.

ასევე საინტერესოა:

🔵 საქართველოში მოქმედი საელჩოები: აუცილებელია გადამწყვეტი ქმედება საქართველოში ლგბტქი+ პირთა უფლებების დასაცავად

🔵 ხვალიდან მატარებლები შეცვლილი განრიგით იმოძრავებენ

🔵 ნიკა გვარამიას 3 წელი და 6 თვე პატიმრობა მიესაჯა - მოსამართლემ მისი დაუყოვნებლივ დაკავების განკარგულება გასცა