ზელენსკი: უკრაინაში ომის დაწყებიდან 101 საავადმყოფო მთლიანად განადგურდა - დაანგრიეს სკოლები. რუსეთის სახელმწიფო ისეთ პირობებშია, რომ ნებისმიერი განათლება მხოლოდ ხელს უშლის

უკრაინის პრეზიდენტი ვოლოდიმირ ზელენსკი აცხადებს, რომ უკრაინასთან ომში რუსეთის სტრატეგიული მარცხი ყველასთვის ნათელია, თუმცა რუსეთი სიმხდალის გამო ამას ჯერ არ აღიარებს.

ამის შესახებ პრეზიდენტმა დღევანდელ ვიდეომიმართვაში ისაუბრა.

"უკრაინასთან ომში რუსეთის სტრატეგიული მარცხი მსოფლიოში უკვე ყველასთვის ნათელია.

მათთვისაც კი, ვინც მათთან კომუნიკაციას განაგრძობს.

უბრალოდ რუსეთს ამის აღიარების სიმამაცე ჯერ არ აქვს.

ისინი მშიშარები არიან და ცდილობენ, სიმართლე რაკეტების, საჰაერო და საარტილერიო შეტევების უკან დამალონ",- განაცხადა ვოლოდიმირ ზელენსკიმ.

პრეზიდენტმა უკრაინელებს მიზნების მიღწევამდე ბრძოლისკენ მოუწოდა.

ზელენსკის განცხადებით, უკრაინაში ომის დაწყების შემდეგ უკრაინის ტერიტორიაზე 101 საავადმყოფო მთლიანად განადგურდა.

"24 თებერვლის შემდეგ შეტაკებებისას, რუსმა სამხედროებმა 570 ჯანდაცვის დაწესებულება დაანგრიეს.

101 საავადმყოფო მთლიანად განადგურდა.

ეს არის ბარბაროსობა. ეს არის რუსეთის, როგორც სახელმწიფოს თვითგანადგურება, რომელსაც მსოფლიოში ვინმეს მაინც შეუძლია შეხედოს როგორც კულტურულ ერს.

გასულ ღამეს მათ დარტყმა მიაყენეს ჩერნიგოვის რეგიონში, სკოლებს.

რა თქმა უნდა, რუსეთის სახელმწიფო ისეთ პირობებშია, რომ ნებისმიერი განათლება მხოლოდ ხელს უშლის.

მაგრამ რისი მიღწევა შეიძლება უკრაინული სკოლების განადგურებით?

ყველა რუსი მეთაური, ვინც ასეთ ბრძანებებს გასცემს, უბრალოდ ავად არის. განუკურნებელად.

მაგრამ ყველა საავადმყოფო, რომელიც ოკუპანტებმა გაანადგურეს, ყველა სკოლა, ყველა უნივერსიტეტი, რომელიც დაბომბეს, ყველა სახლი, ხიდი, ბიზნესი - ჩვენ ყველაფერს ავაშენებთ", - განაცხადა ვოლოდიმირ ზელენსკიმ 12 მაისის ვიდეომიმართვაში.

სხვა სიახლეები:

* "არც ამის პრეცედენტი არსებობს და არც კანონმდებლობა იძლევა მსჯავრდებული პატიმრის საზღვარგარეთ გაყვანის შესაძლებლობას" - იუსტიციის მინისტრი მიხეილ სააკაშვილის საზღვარგარეთ სამკურნალოდ გადაყვანის მოთხოვნაზე

*"აზოვსტალში" მარტო აზოველები არ არიან. არის მარიუპოლის ტერდაცვა, მესაზღვრეები, საზღვაო ქვეითები და პოლიცია. არავის უნდა მაგ ხალხის გაწირვა. უბრალოდ, ამ ეტაპზე სამხედრო გზით მათი დახმარების შანსი ფიზიკურად არ არსებობს" - ლევან ყურაშვილი