აშშ-ში დამკრძალავი ბიუროს მანქანა გამოჩნდა, წარწერით - "არ აიცრათ"

ბევრი დამსაქმებელი და საზოგადოებრივი ჯანდაცვის ჩინოვნიკი ეძებს გზებს, რათა უფრო მეტი ადამიანი აიცრას Covid 19 -ით, იყენებენ ყველაფერს, რისი გამოყენებაც შეიძლება, ძვირად ღირებული ბილეთები იქნება თუ სხვა რამ.

CNN-ის ინფორმაციით, ერთმა სარეკლამო სააგენტომ, გადაწყვიტა უარი ეთქვა ტრადიციულ მარკეტინგულ სტრატეგიებზე და კომპანიაში დიდი ფიქრის შემდეგ, აშშ-ში, ჩრდილოეთ კაროლინის ქუჩებში "უილმორის დაკრძალვის სახლის" ბიუროს სატვირთო შავი მანქანა გამოჩნდა, რომელსაც რეკლამის სახით აწერია მოწოდება: "არ აიცრათ".

შავი სატვირთო რეალურად არ ეკუთვნის "უილმორის დამკრძალავ ბიუროს", სინამდვილეში, ის ვაქცინაციის წამახალისებელი კამპანიის ნაწილია.

"ვფიქრობთ, რომ ჩვეულებრივი სარეკლამო კამპანია კარგად ვეღარ მუშაობს. მაგალითად, "მიიღეთ ვაქცინა" ან "წადით, აიცერით" მოსახლეობას თვალში აღარ ხვდება. რეკლამაზე მითითებულ ვებგვერდზე გადასვლისას მომხმარებლებს არა დამკრძალავი ბიუროს ოფიციალური გვერდი, არამედ შემდეგი წარწერა ხვდებათ: "ახლავე აიცერით, თუ არა, მალე შევხვდებით, "უილმორის დამკრძალავი ბიუროში". ღილაკზე დაჭერის შემთხვევაში, სისტემას ვაქცინაციის პლატფორმის სარეგისტრაციო გვერდზე გადაჰყავხართ.

ჩვენ გვინდოდა ხალხს ვაქცინაცია განსხვავებული პერსპექტივიდან დაენახათ და ამ გზით მათი ყურადღება მიგვექცია. თუკი ჩვენი სარეკლამო კამპანიის წყალობით ერთი ადამიანი მაინც აიცრება, ჩავთვლით, რომ მიზანი მიღწეულია", – ამბობს სატვირთოს დამკვეთი სარეკლამო კომპანიის BooneOakley- ს ხელმძღვანელი, დევიდ ოუკლი CNN-თან ინტერვიუში.

"საკმაოდ ჭკვიანური მარკეტინგი" -  ასე შეაფასეს ამერიკელებმა კომპანიის აღნიშნული მიდგომა ვაქცინაციასთან დაკავშირებით.

ცნობისთვის, აშშ-ში სრულად ვაქცინირებულია, მთლიანი მოსახლეობის 54,7% -ი.