"ვიღებ ჩემს პასუხისმგებლობას. შეუფერებელი იყო, რომ ბავშვებს რეკლამა გაეკეთებინათ იმ ნივთებისთვის, რომლებთანაც არანაირი კავშირი არ აქვთ" - დემნა "ბალენსიაგას" ირგვლივ სკანდალზე

ბალენსიაგას შემოქმედებით ხელმძღვანელი Demna მოდის სახლის კამპანიის Gift Shop-ის  ფარგლებში გამოქვეყნებულ ფოტოებთან დაკავშირებით ბოდიშს იხდის.

წერილი დიზაინერმა Instagram-ის პირად გვერდზე გამოაქვეყნა.

"მსურს პირადად მოგიბოდიშოთ არასწორი არტისტული არჩევანისთვის სადღესასწაულო კამპანიის შინაარსის შესახებ.

ვიღებ ჩემს პასუხისმგებლობას.

შეუფერებელი იყო, რომ ბავშვებს რეკლამა გაეკეთებინათ იმ ნივთებისთვის, რომლებთანაც არანაირი კავშირი არ აქვთ.

მიუხედავად იმისა, რომ დროდადრო ჩემი ნამუშევრებით ფიქრების პროვოცირება მიყვარს, არასდროს მქონია განზრახვა, რომ ამისთვის ისეთი საშინელი თემა გამომეყენებინა, როგორიც არის ბავშვებთან სასტიკი მოპყრობა, რასაც მე ვგმობ.

საჭიროა ვისწავლო მომხდარისგან, მოვუსმინო და დავკავდე ბავშვთა დაცვის ორგანიზაციებთან ურთიერთობით, რათა გავიგო, თუ როგორ შემიძლია მონაწილეობა მივიღო და დავეხმარო მათ ამ საშინელი თემის წინააღმდეგ.

ბოდიშს ვუხდი ყველას, ვინც შეურაცხყოფილი დარჩა ამ ვიზუალებით და Balenciaga იძლევა გარანტიას, რომ ადეკვატური ზომები იქნება მიღებული არამხოლოდ იმისთვის, რომ მსგავსი შეცდომა არ მომავალში არ განმეორდეს, არამედ ვიღებთ პასუხისმგებლობას ბავშვთა კეთილდღეობის დაცვაში ყველა იმ გზით, რომლის გამოყენებაც შეგვიძლია", - წერს დემნა.

16 ნოემბერს Balenciaga-მ კამპანია Gift Shop-ის [საჩუქრების მაღაზია] ფარგლებში ფოტოები გამოაქვეყნა, რაშიც მონაწილეობას 6 ბავშვი იღებდა. ბავშვებს ხელში სათამაშო დათვის ხელჩანთები ეჭირათ, რომლებსაც ბადისა და ტყავის ელემენტები ჰქონდათ. კამპანიის გამოქვეყნებიდან მალევე, მოდის სახლი მკაცრად გააკრიტიკეს ბავშვების BDSM-ით შთაგონებული ნივთებით პოზირებისთვის.

24 ნოემბერს მოდის სახლი კრიტიკას გამოეხმაურა, ბოდიში მოიხადა და Instagram-ზე დაწერა, რომ ფოტოებს, რომლებშიც ბავშვები იღებდნენ მონაწილეობს სოციალური მედიის ყველა პლატფორმიდან აიღებდნენ.

ასევე დაგაინტერესებთ:

* "ჩემთვის მონაზონიც, მცხობელიც, დიასახლისიც და ავტობუსის მძღოლი ქალიც ქალია და ვინც მონაზონს თქვენივე დედაზე, დაზე, ქალიშვილზე და ნაცნობ ქალზე წინ აყენებთ, გაცილებით საშიში ხართ, ვიდრე ვინმე სხვა..."

* "მოსწავლეების მიმართ გარყვნილ ქმედებაში ბრალდებულ მასწავლებელს 8 წელი მიესაჯა" - ქალთა უფლებათა დაცვის ორგანიზაცია "საფარი"