“გამოიყენეთ ახალი მთვარე ვერძში - ამოწიეთ ვერძის თვისებები თქვენში” - ბრიჯიტ ივანა გრუზინსკი

"ვისაც გამბედაობა გაკლიათ - იმუშავეთ თქვენს თავზე, რომ ვერძის თვისებები ამოწიოთ ზევით," - ამერიკაში მცხოვრები ქართველი ასტროლოგი ბრიჯიტ ივანა გრუზინსკი, 2022 წლის პირველი ახალმთვარეობის შესახებ რჩევებს გვაძლევს:

"ზოდიაქოს ვარსკვლავებო, გამოიყენეთ დღევანდელი ახალი მთვარე ვერძში მაქსიმალურად, რადგან ასტროლოგიური ახალი წლის პირველი ახალი მთვარეა.

ყველას გყავთ, რომელიღაც ასტროლოგიურ სახლში- ვერძი. 

ვისაც გამბედაობა გაკლიათ - იმუშავეთ თქვენს თავზე, რომ ვერძის თვისებები ამოწიოთ ზევით. ყველა ადამიანში დევს ლიდერი, უბრალოდ ხშირად ადამიანებს თავის თავში რწმენა აკლიათ და სხვას შეჰყურებენ როგორც ლიდერს.

იყურეთ - წინ!
წარსული, მხოლოდ ხანდახან გადაათვალიერეთ და შეცდომები გაითვალისწინეთ!

კიდევ ერთხელ ვიმეორებ, რომ მაქვს ათასობით ჩარტი ნანახი და ჯერ არ მინახავს უნიჭო ადამიანის ჩარტი.

თითოეული თქვენგანი, თუნდაც ამ ეტაპზე წარუმატებელი - არის ვარსკვლავი, რომელსაც უბრალოდ “გაპრიალება” უნდა… ძვირფას მეტალებსაც, როგორიც არის ოქრო და ვერცხლი, ხომ გაპრიალება უნდა, რომ ისე იბრწყინოს, რომ თვალი მოგჭრათ…

გაბედეთ ის, რასაც აქამდე ვერ ბედავდით. 
არ დაელოდოთ “ ღმერთის წყალობას” და “ ამინის ჩამოფრენას”… ღმერთი მხოლოდ მაშინ გწყალობს, როდესაც ხედავს, რომ ყველაფერს აკეთებთ იმისთვის, რომ სრულად გამოიყენოთ თქვენი პოტენციალი.

2 კვირაში კი სავსე მთვარეს სასწორში შეხვდით სიყვარულით გაბრწყინებული გულით. სასწორი (ვენერა) ხომ სიყვარულის და სილამაზის მბრძანებელია…

ეძიეთ ყველაზე დადებითი და ღვთიური თვისებები თქვენში და მაქსიმალურად დატვირთეთ საკუთარი - მე, ამ ლამაზი ემოციით.

შეეჯიბრეთ მხოლოდ საკუთარ თავს!
ყოველი ახალი დღე დააღამეთ უკეთესი - მე ვერსიით…

იმუშავეთ შინაგან ზრდაზე და მიეხმარეთ გარშემომყოფთ ამ პროცესში.

ყველას, ყველას ვინც ახლა ამას კითხულობს, გისურვებთ გამოღვიძებას, უდიდეს სულიერ ზრდას და ბედნიერ ახალმთვარეობას.

მთავარანგელოზი მიქაელი გფარავდეთ და იბედნიერეთ!"

წყარო: Brigitte Ivanna Gruzinsky