იტალიის ვიცეპრემიერი მატეო სალვინი სკოლებში უცხოელ ბავშვთა დასწრების ლიმიტის დაწესებაზე საუბრობს

იტალიური მედიის ინფორმაციით, იტალიის ვიცეპრემიერმა მატეო სალვინმა სკოლებში უცხოელ ბავშვთა დასწრების ლიმიტის დაწესებაზე განცხადებაა გააკეთა.

როგორც მედიაში გავრცელებული ინფორმაციიდან ირკვევა, კლასებში უცხოელების დაშვების 20%-იანი ლიმიტი 2010 წლიდან, მაშინდელი განათლების მინისტრის მარიასტელა გელმინის მიერ უკვე არის დაწესებული.

ვიცეპრემიერის განცხადებით: „თუ კლასში მასწავლებელს ჰყავს მოსწავლეები, რომლებიც საუბრობენ სხვადასხვა ენაზე და არ საუბრობენ იტალიურად, ეს ქაოსია“. „უნდა გაკონტროლდეს უცხოელ ბავშვთა ლიმიტი. მიუხედავად იმისა, რომ კლასში უცხოელი ბავშვების დასწრება მასტიმულირებელია, როგორც ენების ასევე კულტურის თვალსაზრისით, მაგრამ როდესაც კლასში იტალიელი ბავშვების რაოდენობა 20%-ს შეადგენენ, მასწავლებელმა როგორ ახსნას გაკვეთილი? ვისაც ფული აქვს, ბავშვი კერძო სკოლაში გადაჰყავს, ხოლო ვისაც ფული არ აქვს, იძულებულია შვილების სასწავლო პროცესები შეანელოს“. 

მატეო სალვინი სკოლებში უცხოელ მოსწავლეთა დასწრების შესახებ ლიმიტის დაწესების არგუმენტად, მილანში პიოლტელოს სკოლაში სასწავლო პროცესის შეწყვეტას ასახელებს. პიოლტელოს სკოლაში სასწავლო პროცესი, ისლამური დღესასწაულის, რამადანის დაწყების გამო შეჩერდა.  

Exclusivetv.ge/იტალია