ვარლამ ლიპარტელიანი: ძალიან მნიშვნელოვანია ახალგაზრდების ჩართულობა და იმ გზის გაგრძელება, რაც ჩვენმა წინაპრებმა დაგვიტოვეს

მივულოცავ სრულიად საქართველოს დღევანდელ დღეს. მართლა უმნიშვნელოვანესი დღეა დღეს, იმიტომ რომ ვიცით, რომ ქართველები ოდითგანვე ოჯახის სიძლიერეზე იდგნენ და დღევანდელი ნათელი მაგალითია იმისა, თუ როგორ აგრძელებს ქართველი ერი ამ ისტორიას და რამ განაპირობა ის, რომ ჩვენ დღემდე მოვედით და ასე ძლიერად ვართ წარმოდგენილები მთელ მსოფლიოში, - განაცხადა ვარლამ ლიპარტელიანმა. დეპუტატმა მნიშვნელობა გაუსვა ამ დღეში ახალგაზრდების ჩართულობას.

„რაც შეეხება უშუალოდ დღევანდელ დღეს, ვიტყოდი რომ ძალიან მნიშვნელოვანია ახალგაზრდების ჩართულობა და იმ გზის გაგრძელება, რაც ჩვენმა წინაპრებმა დაგვიტოვეს. აღვნიშნავ, რომ ჩვენმა უწმინდესმა, ილია მეორემ როდესაც დააწესა ეს დღე, მთელმა საქართველომ აიტაცა და, რა თქმა უნდა, მიიღო ისე, როგორც ქართველ ერს შეეფერება. ასევე, მივულოცავ ახალ უწმინდესს, შიო მესამეს. დარწმუნებული ვარ, ის ღირსეულად გააგრძელებს იმ გზას, რაც ჩვენმა პატრიარქმა, ილია მეორემ დატოვა. ჩვენი უმთავრესი მოვალეობა და ვალია, რომ შევასრულოთ ეს ყველაფერი და ძალიან მნიშვნელოვანი იქნება, თუ გავაგრძელებთ იმ გზას, რომელიც ჩვენმა წინაპრებმა დღემდე მოგვიტანეს“, - განაცხადა ლიპარტელიანმა.