ლეგენდები, რომლებიც სიყვარულზე მოგვითხრობენ

გერმანიის ქალაქ ფრაიბურგის ძველ სასაფლაოზე, რომელიც გერმანიაში მეორე უძველესი სასაფლაო, არის ახალგაზრდა გოგონას საფლავი, რომლის გარშემოც დღემდე ამოუცნობი საიდუმლოებები ხდება.

კეროლაინ ვალტერის საფლავი ამავდროულად არის ძველი სასაფლაოს ერთ-ერთი ულამაზესი და ცნობილი სამარხი და ამასთანავე ქ. ფრაიბურგის ერთ-ერთი ღირსშესანიშნაობა.

კეროლაინ კრისტინ ვალტერი (1850 - 1867) 16 წლის ასაკში ტუბერკულოზით გარდაიცვალა. საფლავის ქვაზე, მას ხელთ გადაშლილი წიგნი უპყრია, რომელსაც ასეთი წარწერა აქვს: „ღვთის რჩევით არის განსაზღვრული - უნდა გაშორდე იმას, რაც გიყვარს.“ ეპიტაფიის მიხედვით, კეროლაინის საფლავზე ქანდაკება, მისმა  ერთადერთმა დამ, სელმამ გააკეთა.

ხალხში მოარული ხმების მიხედვით, კეროლაინ ვალტერის შეყვარებული ვერ ეგუებოდა სატრფოს გარდაცვალებას და მის საფლავზე ყოველდღე ახალი ყვავილები მიჰქონდა.

კეროლაინის და მისი შეყვარებულის გარდაცვალებიდან საკმაო დიდი ხანია გასული, თუმცა უცნობ პიროვნებას, ყოველ დღე ახალი ყვავილები  კვლავ მიაქვს. ვინ აგრძელებს ამ ტრადიციას დღემდე, გადაუჭრელი საიდუმლოა. ტურისტები საფლავზე ყოველ დღე პოულობენ ულამაზესი ყვავილების თაიგულს.

ვინ იცის, იქნებ სიყვარული უკვდავია?

გერმანულიდან თარგმნა ამირან ხინიკაძე-ქადიეშვილმა