ჯაბა ხუბუა: მივესალმები დამნაშავე პოლიტიკური ძალების აკრძალვასთან დაკავშირებულ კონსტიტუციურ სარჩელში ბოკერია-ჩერგოლეიშვილის პარტიის დამატებას - ეს ვერდიქტი ბოკერიაზე არ გავრცელდეს, ყოვლად წარმოუდგენელია

„პირადად ჩემთვის გასაკვირი და აღმაშფოთებელი იყო, რომ პარლამენტის საგამოძიებო კომისიამ რატომღაც გვერდი აუარა ბოკერიას პერსონას და სააკაშვილის დანაშაულებრივი რეჟიმის ერთ-ერთი საკვანძო ფიგურა, ბოროტების მთავარი იდეოლოგი გიგა ბოკერია გამოკითხვაზეც არ დაიბარა. დღეს, ასაკრძალი პარტიების სიაში ბოკერია-ჩერგოლეიშვილის დამატებით, ეს ნაკლოვანება, შეიძლება ითქვას, აღმოფხვრილია“, - წერს ჟურნალისტი ჯაბა ხუბუა სოციალურ ქსელში.

მისი განცხადებით, წარმოუდგენელია, სისხლიანი რეჟიმის შემქმნელ პარტიას კონსტიტუციის ძალით აეკრძალოს პოლიტიკური საქმიანობა და ეს ვერდიქტი ბოკერიაზე არ გავრცელდეს.

„მივესალმები დამნაშავე პოლიტიკური ძალების აკრძალვასთან დაკავშირებულ კონსტიტუციურ სარჩელში ბოკერია-ჩერგოლეიშვილის პარტიის დამატებას. არ დავმალავ, პირადად ჩემთვის გასაკვირი და აღმაშფოთებელი იყო, რომ პარლამენტის საგამოძიებო კომისიამ რატომღაც გვერდი აუარა ბოკერიას პერსონას და სააკაშვილის დანაშაულებრივი რეჟიმის ერთ-ერთი საკვანძო ფიგურა, ბოროტების მთავარი იდეოლოგი გიგა ბოკერია გამოკითხვაზეც არ დაიბარა. დღეს, ასაკრძალი პარტიების სიაში ბოკერია-ჩერგოლეიშვილის დამატებით, ეს ნაკლოვანება, შეიძლება ითქვას, აღმოფხვრილია.

სისხლიანი, ჯალათური რეჟიმის შემქმნელ პარტიას კონსტიტუციის ძალით აეკრძალოს პოლიტიკური საქმიანობა და ეს ვერდიქტი ბოკერიაზე არ გავრცელდეს, ყოვლად წარმოუდგენელია. ეს იგივე იქნებოდა, ნიურნბერგის პროცესის დროს იოზეფ გებელსი ცოცხალი ყოფილიყო და ტრიბუნალის განაჩენი მას არ შეხებოდა.

ახლა ბურთი საკონსტიტუციო სასამართლოს მოედანზეა. საქართველოს მოსახლეობის გადამწყვეტი უმრავლესობა ელოდება სამართლიან გადაწყვეტილებას“, - წერს ხუბუა X-ზე.