The National Interest: რატომ უნდა გააუმჯობესოს აშშ-მა საქართველოსთან ურთიერთობა

აშშ-ის ვიცე-პრეზიდენტის ჯეი დი ვენსის ვიზიტს სომხეთსა და აზერბაიჯანში თებერვალში მნიშვნელოვანი, მაგრამ დაუფასებელი შედეგი ჰქონდა: საქართველო, რომელიც მისი ვიზიტის პროგრამაში არ შედიოდა, კვლავ ყურადღების ცენტრში აღმოჩნდა, - წერს გამოცემა The National Interest.

საქართველომ, რომელიც სამხრეთ კავკასიაში აშშ-ის პოლიტიკაში ცენტრალურ ადგილს იკავებდა, თითქოსდა „უარი“ თქვა დასავლეთზე. ერთ-ერთი ვერსიის თანახმად, დასავლეთზე უარის თქმის მიზეზი მდგომარეობს იმაში, რომ 2020 წლიდან ქვეყანა სუვერენულ საშინაო და საგარეო პოლიტიკას ატარებს, რის გამოც მას რუსეთთან და ჩინეთთან აიგივებენ. ზოგი ფიქრობ, რომ ამის გამო საქართველოს რეგიონული სტრატეგიული მნიშვნელობა დაქვეითდა, რის გამოც ვენსმა თბილისში ჩასვლაზე უარი თქვა. ამის გამო, როგორც გამოცემა წერს, თითქოსდა საქართველო ვაშინგტონისთვის ნაკლებად მიმზიდველი გახდა. ის ჩაანაცვლა სომხეთმა, რომლის პრემიერ-მინისტრმა, ნიკოლ ფაშინიანმა ევროატლანტიკური ინტეგრაციის შესახებ განაცხადი გააკეთა.

როგორც გამოცემა აღნიშნავს, ეს არსებული ვითარების ფუნდამენტურად არასწორი ინტერპრეტაციაა, რადგან ვენსის ვიზიტის მიზანი ტრამპის მარშრუტის (TRIPP) განვითარება იყო და არა მისი მგზავრობა სამხრეთ კავკასიაში. ვენსის ვიზიტმა არავითარ შემთხვევაში არ გააძლიერა სომხეთის პოზიციები, როგორც სამხრეთ კავკასიის მიზიდულობის ახალი ცენტრის.

ამის მიუხედავად, ამ არასწორმა ინტერპრეტაციამ დიდი გამოხმაურება პოვა ევროპაში და შეერთებული შტატების ზოგ პოლიტიკურ წრეში.

იმის გამო, რომ მთავარ ნარატივს იმის შესახებ, თბილისი თითქოსდა პრორუსულ მიმართულებას ირჩევს, არასათანადო რეაგირება მოჰყვა, აშშ-ის თანმიმდევრულ პოლიტიკას საქართველოსთან მიმართებით ხელი შეუშალა.