გიორგი გაბუნია: მნიშვნელოვანია ევროკავშირისა და საქართველოს პოლიტიკური ურთიერთობა იყოს აგებული პრაგმატულ პოლიტიკაზე - საქართველოს აქვს ყველა უნარი და შესაძლებლობა, იყოს ევროკავშირის ღირსეული პარტნიორი

 მნიშვნელოვანია ევროკავშირისა და საქართველოს პოლიტიკური ურთიერთობა იყოს აგებული პრაგმატულ პოლიტიკაზე. საქართველოსა და ევროკავშირის ურთიერთობა უნდა იყოს ურთიერთსარგებლიანი, ურთიერთმოგებიანი, - განაცხადა „დღის ქრონიკაში“ კულტურის კომიტეტის თავმჯდომარემ, გიორგი გაბუნიამ

როგორც გაბუნიამ აღნიშნა, საქართველოს აქვს ყველა უნარი და შესაძლებლობა, იყოს ევროკავშირის ღირსეული პარტნიორი, ღირსეული მეგობარი.

„ვხედავთ, თავად ევროკავშირი რა მდგომარეობაშია, რთული ურთიერთობა აქვთ აშშ-ს ახალ ადმინისტრაციასთან. ევროკავშირის წევრ სახელმწიფოებსაც თავად აქვთ ერთმანეთთან რთული ურთიერთობები. ფართო გეოპოლიტიკურ პრიზმაში თუ დავინახავთ ამ ურთიერთობებს, საქართველო არის ძალიან კარგი შესაძლებლობა და კარგი შანსი ევროკავშირისთვის, რომ ჩვენ გვქონდეს ჯანსაღი, მეგობრული, თანაბარუფლებიანი და ღირსეული ურთიერთობა.

საქართველო მზად არის ურთიერთობისთვის. თუ ისინი ხედავენ საკითხებსა და პრობლემებს საქართველოსთან მიმართებაში, ამისთვის არსებობს ქართველი ხალხის მიერ არჩეული ხელისუფლება და სწორედ მათ უნდა ესაუბრონ. ჩვენ მზად ვართ დიალოგისთვის და მზად ვართ ყველა არსებული საკითხი განვიხილოთ, თანაბარ და სწორუფლებიანი პარტნიორობის პირობებში და რა ისე, როგორც ჩვენ აქამდე ამას ვხედავდით, ზევიდან ყურებით“, - აღნიშნა გიორგი გაბუნიამ.