ირაკლი კირცხალია: დღეს ეს ზღვა ხალხი, რომელიც გამოვიდა სიყვარულით, ერთიანობით, კიდევ ერთხელ აჩვენებს მთელ მსოფლიოს, თუ სად დგას საქართველო და რას ნიშნავს ჩვენი ქვეყნისთვის სარწმუნოება, ოჯახი, ჩვენი იდენტობა, ტრადიცია და ისტორია

დღეს ეს ზღვა ხალხი, რომელიც გამოვიდა სიყვარულით, ერთიანობით, კიდევ ერთხელ აჩვენებს მთელ მსოფლიოს, თუ სად დგას საქართველო, რა ფასეულობებზე და რას ნიშნავს ჩვენი ქვეყნისთვის სარწმუნოება, ოჯახი, ჩვენი იდენტობა, ტრადიცია და ისტორია, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, ირაკლი კირცხალიამ.

მან სრულიად საქართველოს ოჯახის სიწმინდის დღე მიულოცა.

„დღევანდელი დღეს აქვს ორმაგი დატვირთვა: 17 მაისი - ოჯახის სიწმინდის დღე, რომელიც ასოცირდება ჩვენს იდენტობასთან, რწმენასთან, სიყვარულთან, ქვეყნის ერთიანობასთან და ამავდროულად ჩვენი უწმინდესი და უნეტარესი კათოლიკოს-პატრიარქი, შიო მესამე აღავლენს პირველ საპატრიარქო ლოცვას. ნამდვილად ისტორიული დღეა. დღეს ეს ზღვა ხალხი, რომელიც გამოვიდა სიყვარულით, ერთიანობით, კიდევ ერთხელ აჩვენებს მთელ მსოფლიოს, თუ სად დგას საქართველო, რა ფასეულობებზე და რას ნიშნავს ჩვენი ქვეყნისთვის სარწმუნოება, ოჯახი, ჩვენი იდენტობა, ტრადიცია და ისტორია. როგორც ჩვენი სულიერი მამა, აწ განსვენებული უწმინდესი და უნეტარესი ილია მეორე იტყოდა, სიყვარულით ავაშენოთ ჩვენი ქვეყანა და სიყვარულით გავაგრძელოთ ჩვენი ქვეყნის საკეთილდღეოდ წინსვლა. ვულოცავ სრულიად საქართველოს“, - განაცხადა კირცხალიამ.