კახა კალაძე: ის, რომ 20 წლამდე მსოფლიო ჩემპიონატი საქართველოსა და სომხეთში გაიმართება, ძალიან სასიხარულო ამბავია. ეს მოაქვს მშვიდობას, ეს მოაქვს იმ პოლიტიკას, რომელსაც „ქართული ოცნება-დემოკრატიული საქართველო“ ახორციელებს

ის, რომ 20 წლამდე მსოფლიო ჩემპიონატი საქართველოსა და სომხეთში გაიმართება, ძალიან სასიხარულო ამბავია, - განაცხადა გადაცემაში „იმედი LIVE“ დედაქალაქის მერმა, პარტია „ქართული ოცნების“ გენერალურმა მდივანმა კახა კალაძემ.

კალაძის თქმით, ეს მოაქვს მშვიდობას, ეს მოაქვს იმ პოლიტიკას, რომელსაც „ქართული ოცნება-დემოკრატიული საქართველო“ ახორციელებს.

„ძალიან მაგარი და სასიხარულო გადაწყვეტილებაა. დარწმუნებული ვარ, ქართველ გულშემატკივარს თუ როგორ გაუხარდებოდა აღნიშნული გადაწყვეტილება. ერთი რამ მინდა ვთქვა, ეს მოაქვს მშვიდობას, ეს მოაქვს იმ პოლიტიკას, რომელსაც „ქართული ოცნება-დემოკრატიული საქართველო“ ახორციელებს. ჩვენ რომ დღეს ქვეყანაში მშვიდობა არ გვქონდეს, არ გვქონდეს ეკონომიკური განვითარება, წინსვლა, რა თქმა უნდა, ამ მასშტაბის პროექტებს საქართველოში ვერ შემოვიტანდით. ის, რომ 20 წლამდე მსოფლიო ჩემპიონატი საქართველოსა და სომხეთში გაიმართება, ძალიან სასიხარულო ამბავია. ჩვენ კიდევ ერთხელ პირობას ვდებთ, რა თქმა უნდა, ქვეყანა ყველანაირი თვალსაზრისით მომზადებული იქნება, რათა ღირსეულად ჩაატაროს აღნიშნული ტურნირი საქართველოში.

მინდა ვისარგებლო შემთხვევით, ფეხბურთის ფედერაციის ხელმძღვანელობას მადლობა გადავუხადო ჩართულობისთვის, რადგან უშუალოდ მათი მონაწილეობით მიიღეს აღნიშნული გადაწყვეტილება, რაც ძალიან მაგარია. ყველანაირი თვალსაზრისით, ფეხბურთის განვითარებისთვის, სპორტის მხარდაჭერის თვალსაზრისით, ჯანსაღი ცხოვრების პოპულარიზაციის თვალსაზრისით. ყველანაირად არის ძალიან მნიშვნელოვანი და მაგარი აღნიშნული გადაწყვეტილება“, - აღნიშნა მან.