ლევან მაჭავარიანი: ისევ გრძელდება ისეთი „ენჯეოორგანიზაციების“ დაფინანსება, რომლებიც ზიზღს აღვივებენ და დეპუტატებს უვარდებიან

„ბატონმა შალვა პაპუაშვილმა ბევრჯერ მოუწოდა დიპლომატიურ კორპუსს, ევროკავშირის ელჩს საქართველოში, EED-ის, - მთავარ დონორ ორგანიზაციას ევროკავშირიდან, - რომ შეეწყვიტათ ისეთი ტიპის დაფინანსებები ევროკავშირიდან, რომლებიც ქვეყანაში აღვივებენ რადიკალიზმს, ზრდიან პოლარიზაციას, ამკვიდრებენ ზიზღისა და სიძულვილის ენას და ეწევიან ფსევდოლიბერალურ ფაშიზმს, თავისი კლასიკური გამოვლინებებით. ეს წერილიც ამაზე მეტყველებს, თუმცა, სამწუხაროდ, ისევ დუმილია“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

მისი თქმით, თუ ევროკავშირს რეაგირება არ ექნება ამ ყველაფერზე, თავად მათთვისვე იქნება კონტრპროდუქტიული.

სამწუხაროდ, ისევ გვევლინებიან ეს პიროვნებები, კოლექტიური "ნაციონალური მოძრაობის" შეკრებებზე, კონკრეტული ქვეყნების ელჩები გვევლინებიან სასამართლო პროცესებზე, რომ ზეწოლა მოახდინონ მოსამართლეებზე, ისევ გრძელდებ„ა დაფინანსება ისეთი „ენჯეოორგანიზაციების“, რომლებიც ზიზღს აღვივებენ, ეწევიან მივარდნებს დეპუტატებთან. თუ რეაგირება არ ექნება ამასთან დაკავშირებით არც ევროკავშირის ელჩს, არც დიპლომატიურ კორპუსს, არც ევროკავშირს, არც ფონდ EED-ის და ა.შ. ეს ყველაფერი თავად მათთვისვე არის კონტრპროდუქტიული“, - აღნიშნავს მაჭავარიანი.