მაკა ბოჭორიშვილი: ფორუმი, რომელშიც მონაწილეობენ საერთაშორისო ორგანიზაციების წარმომადგენლები, რეგიონის ქვეყნების უმაღლესი თანამდებობის პირები, კარგი შესაძლებლობაა, კიდევ ერთხელ აქცენტები გაკეთდეს ჩვენი ქვეყნის პრიორიტეტებზე

ფორუმი, რომელშიც მონაწილეობენ საერთაშორისო ორგანიზაციების წარმომადგენლები, ჩვენი რეგიონის და არა მხოლოდ ჩვენი რეგიონის ქვეყნების უმაღლესი თანამდებობის პირები, კარგი შესაძლებლობაა საქართველოსთვის, რომ კიდევ ერთხელ, ყველას გასაგონად აქცენტები გაკეთდეს ჩვენი ქვეყნის პრიორიტეტებზე, - განაცხადა საგარეო საქმეთა მინისტრმა მაკა ბოჭორიშვილმა თურქმენეთში.

მისი თქმით, პრემიერ-მინისტრი ფორუმზე სიტყვით გამოსვლისას შეეხო უსაფრთხოების გამოწვევებს და ასევე იმ პოტენციალს, რომელიც აქვს საქართველოს, ეკონომიკური განვითარების თვალსაზრისით.

„ფორუმი, რომელშიც მონაწილეობენ საერთაშორისო ორგანიზაციების წარმომადგენლები, ჩვენი რეგიონის და არა მხოლოდ ჩვენი რეგიონის ქვეყნების უმაღლესი თანამდებობის პირები, კარგი შესაძლებლობაა საქართველოსთვის, რომ კიდევ ერთხელ, ყველას გასაგონად აქცენტები გაკეთდეს ჩვენი ქვეყნის პრიორიტეტებზე. პრემიერ-მინისტრი საუბარში შეეხო უსაფრთხოების გამოწვევებს, რაც აქვს ჩვენს ქვეყანას და ასევე იმ პოტენციალს, რომელიც აქვს საქართველოს, ეკონომიკური განვითარების პროგრესის გათვალისწინებით, გეოპოლიტიკური მდებარეობის გათვალისწინებით და ეს ყველაფერი გაჟღერდა პრემიერ-მინისტრის გამოსვლაში, ფორუმის ფარგლებში“, - განაცხადა მაკა ბოჭორიშვილმა.

პრემიერ-მინისტრი ირაკლი კობახიძე სიტყვით გამოვიდა თურქმენეთში მიმდინარე, საერთაშორისო ფორუმის პლენარულ სესიაზე - „მშვიდობა და ნდობა: მიზნების ერთობლიობა მდგრადი მომავლისთვის“. პრემიერმა ისაუბრა ოკუპირებული რეგიონებისა და მშვიდობის, ასევე საქართველოს ეკონომიკისა და რეგიონული თანამშრომლობის საკითხებზე.