ნიკოლოზ სამხარაძე: ეუთოს საპარლამენტო ასამბლეას კი არ მიმართა ჯო უილსონმა, პორტუგალიის პრემიერ-მინისტრს მიმართა, რომელსაც სულ რამდენიმე დღეში არჩევნები აქვს და ახლა ნამდვილად არ ცხელა ჯო უილსონის წერილებისთვის

 ეუთოს საპარლამენტო ასამბლეას კი არ მიმართა ჯო უილსონმა, პორტუგალიის პრემიერ-მინისტრს მიმართა, რომელსაც სულ რამდენიმე დღეში არჩევნები აქვს და ახლა ნამდვილად არ ცხელა ჯო უილსონის წერილებისთვის, - განაცხადა გადაცემაში „იმედი LIVE“ პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ „MEGOBARI აქტზე“ საუბრისას.

წამყვანმა მას ჰკითხა, რას ფიქრობს ჯო უილსონისა და მისი თანამოაზრეების ინიციატივაზე, საქართველოს დელეგაცია არ დაუშვას ეუთოს საპარლამენტო ასამბლეაზე და თხოვნაც არის გაგზავნილი პორტუგალიის ხელისუფლების მიმართ. რა შანსია ეს განხორციელდეს და თუ იღებს ხელისუფლება კონტრზომებს.

„დელეგაციის ხელმძღვანელი როგორც იცით, მე ვარ და აგერ სულ რაღაც სამი დღის წინ ჩამოვედი ეუთოს საპარლამენტო ასამბლეის ერთ-ერთი ღონისძიებიდან. შესაბამისად, ეუთოს საპარლამენტო ასამბლეას ამაზე ექნება რეაგირება. ეუთოს საპარლამენტო ასამბლეას კი არ მიმართა ჯო უილსონმა, იმიტომ, რომ იცის, იქ ვერაფერს გახდება, პორტუგალიის პრემიერ-მინისტრს მიმართა, რომელსაც სულ რამდენიმე დღეში არჩევნები აქვს და ახლა ნამდვილად არ ცხელა ჯო უილსონის წერილებისთვის. არანაირი შედეგი ამას არ მოჰყვება“, - აღნიშნა სამხარაძემ.