პოლონეთის პრეზიდენტი: უკრაინა სულ უფრო ხშირად სცდება კეთილმეზობლური ურთიერთობების საზღვრებს

პოლონეთის პრეზიდენტმა, კაროლ ნავროცკიმ გააკრიტიკა მისდამი ოპოზიციურად განწყობილი პოლონელი პოლიტიკოსები და ამავდროულად ბრალდებები წაუყენა უკრაინას, რომ ის სულ უფრო ხშირად „სცდება კეთილმეზობლური ურთიერთობების საზღვრებს“.

პოლონეთის პრეზიდენტმა გააკრიტიკა მმართველი პარტიების პოლიტიკოსები იმის გამო, რომ ისინი, მისი თქმით, ჯერ დასცინიან მის განზრახვას - გააუმჯობესოს ურთიერთობები აშშ-თან პოლონეთის უსაფრთხოების მიზნით, ხოლო შემდეგ „ერთმანეთს ეჯიბრებიან „ფორტ ტრამპის“ მშენებლობაში პირველობისთვის“. შემდგომ მან მსგავსი ანალოგია გაავლო უკრაინასთან დაკავშირებულ პოლიტიკაზეც.

„როდესაც ვიღებ გადაწყვეტილებებს, რომლებიც შეესაბამება პოლონეთის სახელმწიფო ინტერესებს უკრაინასთან მიმართებაში, რომელიც სულ უფრო ხშირად სცდება კეთილმეზობლური ურთიერთობების საზღვრებს, სცენარი მეორდება. სკანდალურად ცდილობენ ტოლობის ნიშანი დასვან საკუთარი სახელმწიფოს პრეზიდენტსა და იმ სახელმწიფოს პრეზიდენტს შორის, რომელიც პატივს მიაგებს გენოციდის ჩამდენებს, რომლებმაც პოლონელები დახოცეს. და კვლავ, რამდენიმე დღის შემდეგ, [ზოგიერთი] პოლიტიკოსი თითქოს მწიფდება და საკუთარი შეცდომის გააზრებას იწყებს“, - დაწერა ნავროცკიმ.