ლევან მაჭავარიანი: ჩვენი პოლიცია მოქმედებს გაცილებით მაღალი სტანდარტით, ვიდრე ისეთი წამყვანი ქვეყნის პოლიცია, როგორიც არის - საფრანგეთი, გერმანია, ბრიტანეთი და აშშ

„ჩვენი პოლიცია მოქმედებს გაცილებით მაღალი სტანდარტით, ვიდრე ისეთი წამყვანი ქვეყნის პოლიცია, როგორიც არის - საფრანგეთი, გერმანია, ბრიტანეთი და აშშ“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

მისი თქმით, თავიანთ ქვეყანაში იმის მეასედიც რომ მომხდარიყო, რაც საქართველოში ნოემბრის აქციების პირველ დღეებში მოხდა, ამ ყველაფერს ძალადობრივს უწოდებდნენ.

„ჩვენ სულ რამდენიმე დღის წინ, ორი დღის წინ იყო მე მგონი, ვიხილეთ საზარელი კადრები პარიზში, სადაც პარლამენტზე შტურმი კი არ ხორციელდებოდა, ქვეყნის გადატრიალების მცდელობა კი არ იყო,  როგორც ეს ჩვენთან იყო ნოემბრის აქციების პირველ დღეებში, იქ უბრალოდ პროფკავშირების აქციები იყო ხელფასებთან და მსგავს თემებთან დაკავშირებით და ახალგაზრდა გოგოებს ბიტებით უსწორდებოდნენ.

პირდაპირ ეთერში ვნახეთ ეს კადრები. პოლიციას ესროდნენ „მოლოტოვის კოქტეილებს“, აგინებდნენ უშვერი სიტყვებით, ესროდნენ პიროტექნიკას და ამ ყველაფერს უწოდებდნენ მშვიდობიან და თავიანთ ქვეყანაში ამის მეასედიც რომ მომხდარიყო, რა თქმა უნდა, ამ ყველაფერს ძალადობრივს უწოდებდნენ“, - აღნიშნავს ფრაქცია „ქართული ოცნების“ თავმჯდომარის მოადგილე.