იტალიელი სააკაშვილი - მატეო სალვინი და მისი ქალები

მატეო სალვინი ის იტალიელი პოლიტიკოსია, რა თქმა უნდა პრეზიდენტ სერჯო მატარელასა და პრემიერ მარიო დრაგის შემდეგ, რომელსაც იტალიაში მცხოვრებ ქართველ ემიგრანტთა აბსოლუტური უმრავლესობა იცნობს და მუდმივი ინტერესის ობიექტია.

ქარიზმატულობის გამო, ქართველები მას ხშირად, საქართველოს ყოფილ პრეზიდენტ მიხეილ სააკაშვილსაც ადარებენ. სალვინიც სააკაშვილის მსგავსად  პრემიერობას უმიზნებდა, ისიც დაუჯერებელი ენერგიულობით გამოირჩევა და მის წინააღმდეგაც სამართლებრივი საქმეა აღძრული. ამ ოდიოზურ პიროვნებას, პირადი ცხოვრებაც ასეთი აქვს. მიუხედავად იმისა, რომ შინაგან საქმეთა მინისტრობისა და ვიცე-პრემიერის პოსტი დატოვა,სალვინი კვლავ აქტიურად არის ჩართული პოლიტიკაში და არც პირადი ცხოვრებისათვის დროის ნაკლებობას განიცდის. და მაინც, ვინ არიან ქალბატონები, რომლებიც პოლიტიკოსის ცხოვრების სხვადასხვა ეტაპზე, მისი მთავარი ქალები იყვნენ?

ფაბრიცია იელუცი

მატეო ფაბრიციასთან, თითქმის ათი წლის განმავლობაში, 2001-2010 წლებში იმყოფებოდა ქორწინებაში. ფაბრიცია ჟურნალისტია და წარმოშობით აპულიიდანაა. როგორც წყვილი თავის დროზე ერთ-ერთ ინტერვიუში ამბობდა, ქორწილში ‘’ნამდვილი ბრძოლა“ გაჩაღდა სამხრეთელებსა და ჩრდილოელებს შორის, რადგან სალვინი ჩრდილოეთ იტალიიდანაა. წყვილს საერთო შვილიც ჰყავს.

ჯულია მარტინელი

ა

ფაბრიციასთან ოფიციალურად გაყრის შემდეგ, სალვინიმ ცხოვრება პოლიტიკოს ჯულია მარტინელის დაუკავშირა. როგორც სალვინის მეგობრები ამბობენ, ჯულია იდეალური იყო მატეოსთვის. 2012 წელს მათ გოგონა, მირტა შეეძინა, მაგრამ 2015 წელს წყვილი დაშორდა. ამას მარტინელისთვის წარმატებულ პოლიტიკურ კარიერაში ხელი არ შეუშლია.

ელიზა იზოარდი

სალვინის პარტნიორებიდან საზოგადოებისთვის ყველაზე კარგად ცნობილი, ყოფილი მოდელი და ტელესახე, ელიზა იზოარდია. მათი ურთიერთობა ერთი დიდი სკანდალი იყო და ყვითელი პრესის ფურცლებზეც ხშირად ხვდებოდნენ. გაუგებარი იყო რა აკავშირებდათ ერთმანეთთან პარტია „Lega nord-ის“ სახესა და ტელეწამყვანს, მაგრამ რომანმა ორ წელიწადზე მეტხანს გასტანა და 2018 წელს დასრულდა.

ფრანჩესკა ვერდინი

იზოარდთან დაშორების შემდეგ, სალვინი მარტო დიდხანს არ დარჩენილა. 2019 წელს ის საზოგადოების წინაშე ახალგაზრდა ფრანჩესკა ვერდინისთან ერთად გამოჩნდა. ფრანჩესკა ცნობილი ფლორენციელი ბიზნესმენისა და ყოფილი პარლამენტარის, დენის ვერდინის შვილია. მიუხედავად დიდი ასაკობრივი სხვაობისა, წყვილი უკვე ორ წელზე მეტია ერთადაა და ძალიან ბედნიერებიც ჩანან. 

ავტორი ნინა მამუკაძე