შალვა პაპუაშვილი თურქეთში ვიზიტზე: შევთანხმდით, რომ საქართველოს, თურქეთისა და აზერბაიჯანის ფორმატი პარლამენტის თავმჯდომარეების დონეზე, რომლის იდეაც ორი წლის წინ წარმოიშვა, გამოვაცოცხლოთ და პირველი შეხვედრა წელსვე გაიმართოს

მნიშვნელოვანია, რომ შევთანხმდით, რომ საქართველოს, თურქეთისა და აზერბაიჯანის სამმხრივი ფორმატი პარლამენტის თავმჯდომარეების დონეზე, რომლის იდეაც ორი წლის წინ წარმოიშვა, მაგრამ თურქეთში მომხდარი მიწისძვრის გამო ვერ განხორციელდა, უნდა გამოვაცოცხლოთ და პირველი შეხვედრა წელსვე გაიმართოს, - განუცხადა საქართველოს პარლამენტის თავმჯდომარემ შალვა პაპუაშვილმა თურქეთში ვიზიტის დროს განხილული საკითხების შესახებ საუბრისას ჟურნალისტებს.

მისი განცხადებით ასევე განხილვის თემა იყო ის მემორანდუმი, რომელიც სამი წლის წინ დაიდო.

„სამი წლის წინ, როდესაც თურქეთის პარლამენტის თავმჯდომარე სტუმრობდა საქართველოს, დაიდო თანამშრომლობის მემორანდუმი, სადაც გაწერილია ის ჩარჩო, რომელშიც პარლამენტი, მეგობრობის ჯგუფები, კომიტეტები, აპარატი თანამშრომლობს და ზუსტად ამ თანამშრომლობის ერთი მხრივ განხილვა მოხდა და მეორე მხრივ, სამომავლო გეგმების დასახვა. უახლოეს პერიოდში გვექნება კომიტეტების ვიზიტები როგორც თურქეთიდან საქართველოში, ისე საქართველოდან თურქეთში.

მნიშვნელოვანია, რომ შევთანხმდით, რომ საქართველოს, თურქეთისა და აზერბაიჯანის სამმხრივი ფორმატი პარლამენტის თავმჯდომარეების დონეზე, რომლის იდეაც ორი წლის წინ წარმოიშვა, მაგრამ თურქეთში მომხდარი მიწისძვრის გამო ვერ განხორციელდა, უნდა გამოვაცოცხლოთ და პირველი შეხვედრა წელსვე გაიმართოს”, - განაცხადა პარლამენტის თავმჯდომარემ.