"ბოლოს კონტაქტზე 30 ნოემბერს გამოვიდა - დედა ემიგრაციაში წასულ შვილს ეძებს" - ექსკლუზივი

ემიგრაციაში წასულ კაცს ოჯახი ეძებს.

დათო ცეცხლაძე ქობულეთიდანაა. 41 წლის კაცი ემიგრაციაში აგვისტოში წავიდა.

როგორც "ექსკლუზივიტივის" დათო (რევაზ) ცეცხლაძის დედა, მარინა გორგასლიძე უყვება მისი შვილი სამი თვის განმავლობაში საფრანგეთში, ქალაქ ნანტში ქუჩაში, კარავში ცხოვრობდა.

როგორც ემიგრანტი კაცის დედამ გვითხრა, ოჯახს ჯერ პოლიციისთვის არ მიუმართავს, რადგან იმედი აქვს, რომ ქართველი ემიგრანტები გაუჩინარებულ ახალგაზრდას იპოვიან.

"ბოლოს მესიჯი მომწერა 17 ნოემბერს.  ცხოვრობდა კარავში. მარტო იყო.  30 ნოემბერს დაურეკა შვილს და ელაპარაკა. მერე უკვე არავის შეგვხმიანებია" - გვითხრა დედამ.

მისი თქმით, 41 წლის კაცი დანიაში წასვლას გეგმავდა. დედის ინფორმაციით, დათო ცეცხლაძეს უთხრეს რომ დანია მისცემდა თავშესაფარს.

" მითხრა მივყვები პროგრამას, რასაც მეტყვიან ისე მოვიქცევიო. ისიც მითხრა, რომ დანიის იმედი ჰქონდა. ბილეთს ამიღებენ და გამაგზავნიანო. მას შემდეგ აღარ გამიგია არაფერი" - გვითხრა მარინა გორგასლიძემ.

დროებით კავშირზე არ მყოფი ახალგაზრდა ემიგრანტის ოჯახმა, არ იცის მოახერხა თუ არა დათომ დანიაში წასვლა, და თუ წავიდა ამის გამო ხომ არ შეწყდა დროებით, ახლობლებთან მისი კონტაქტი.

"თუ რამე ინფორმაცია არ მივიღეთ, მივმართავთ საელჩოს და პოლიციას. ემიგრანტების ჯგუფში დავწერე და ყველა ჩაერთო ძებნაში", - უთხრა "ექსკლუზივიტივის" დავით ცეცხლაძის დედამ, მარინა გორგასლიძემ.