დღეს მზის დაბნელებაა - დაიმუხტეთ დადებითად, მეტი ილოცეთ და დაფიქრდით თქვენს თავში, თუ რა გიშლით ხელს წინსვლისთვის!

დღეს მზის დაბნელებაა, ასტროფსიქოლოგი გიორგი ლობჯანიძე რჩევებს გვაძლევს და სოციალურ ქსელში წერს:

"დღეს მზის დაბნელებაა! გეტყვით, რომ დაბნელების პროცესი დაიწყება თბილისის დროით 19:42 საათზე, პიკი იქნება 22:17 საათზე, ბოლო აკორდი და დასრულება გველის 00:52 საათზე.

მზის დაბნელება იქნება ვერძის ზოდიაქოს 19°24′ გრადუსზე! ეს უკანასკნელი მოვლენა, მთვარის ციკლებიდან ემთხვევა ყოველთვის ახალმთვარეობას.

მიაქციეთ ყურადღება, რომ ცის კაბადონზე ახლა ექსპანსიის მმართველი პლანეტა იუპიტერი და მოულოდნელობებით აღსავსე ურანი ჩახუტებულები არიან ერთმანეთთან, ამიტომ აპრილის თვე სავსეა უცაბედი წინსვლებითა და ამავდროულად არასტაბილურობით, ეკონომიკური პროგრესით და გარკვეული გაცემებით.

პიკის მომენტში მზე მიერთებულია მერკურიზე, მერკური კი რეტროგრადულია, ამიტომ ეცადეთ რომ გაუგოთ ერთმანეთს და დრო უაზრო კონფლიქტებში არ გალიოთ. ერიდეთ ექსტრემალურ სიტუაციებს, შეჯიბრებებს და ზედმეტ სიფიცხეს, გადაჭარბებულ სისწრაფეს და ცეცხლსასროლ იარაღებთან ურთიერთობას.

სხვათა შორის, მზე ამ დროს ასტეროიდ ქირონზეა მიერთებული, ამიტომ ბევრი ადამიანი შეიძლება განიკურნოს ან გვევალებოდეს საკუთარ მანკიერ თვისებებზე პირდაპირ მუშაობა და ამისთვის დროც ხელს უწყობდეს.

დაბნელებას მკაფიოდ იგრძნობს მსოფლიოდან დასავლეთის მხარე, გამოსაყოფია შეერთებული შტატები. ნუ, ეს გასაკვირი სულაც არაა, რადგანაც მათ  პოლიტიკური თვალსაზრისითაც მეტად დაძაბული თვეები ელოდებათ და სამზადისი აქვთ არჩევნებისთვის. სხვა ყველაფერს კი ეტაპობრივად საკუთარი თვალით ვიხილავთ.

არაა რეკომენდირებული ამ დღეს ბევრი სიარული და მზისადმი მკაფიოდ ყურება. ისედაც დიდი ენერგია მოძრაობს მაგ მომენტში  სამყაროში.

მზის დაბნელება მაქსიმუმ 6 თვიანი პროცესია, ამიტომ გაწერეთ, რაც გსურთ რომ შეასრულოთ, დაიმუხტეთ დადებითად, მეტი ილოცეთ და დაფიქრდით თქვენს თავში, თუ რა გიშლით ხელს წინსვლისთვის ...

ერიდეთ ეს ორი დღე მნიშვნელოვანი საკითხების მოგვარებასაც", - წერს გიორგი ლობჯანიძე.