მარინა ჩხარტიშვილის კრებულის - “გურული ეთნოგრაფიული სამზარეულო“-ს წარდგენა

21 დეკემბერს, SANGU-ს წმ. მეფე დავით აღმაშენებლის სახელობის საკონფერენციო დარბაზში წმ. ანდრიას ქართული უნივერსიტეტის პროფესორის, მარინა ჩხარტიშვილის კრებულის - "გურული ეთნოგრაფიული სამზარეულო"- წარდგინება გაიმართა.

შეხვედრა გახსნა წმიდა ანდრიას ქარული უნივერსიტეტის რექტორმა, პროფესორმა ირაკლი ბრაჭულმა. ავტორს მიულოცეს ახალი გამოცემა და წიგნის შესახენ ისაუბრეს: SANGU-ს სტრატეგიული კომუნიკაციებისა და ურთიერთობების მენეჯერმა, წიგნის მთარგმნელმა ინგა ნაფეტვარიძემ, ბიზნესის კომპიუტინგის და სოციალურ მეცნიერებათა სკოლის დეკანმა ლევან ქისტაურმა, ასოცირებულმა პროფესორმა გელა ქისტაურმა,პროფესორმა ნიკო კვარაცხელიამ, პროფესორმა ფიქრია წოწკოლაურმა, ფილოლოგმა ნატო ბერძენიშვილმა, საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის პროფესორმა მაია ყიფიანმა, პროდიუსერმა თამარ მახარაძემ, ჟურნალისტმა თათია პაჭკორიამ.

კრებული ორი ნაწილისგან - გურული ეთნოგრაფიისა და გურული სამზარეულოსგან შედგება. მასზე მუშაობის პროცესში ავტორმა, დიდი ძალისხმევის შედეგად, სპეციალური ლიტერატურისა და გურული ქალბატონების და ბატონების დახმარებით მოიპოვა დაკარგული რეცეპტები და შეძლო ძველი, თაობიდან თაობას გადაცემული რეცეპტებით ბავშვობაში დაებრუნებინა მკითხველი.