გიორგი ფხაკაძე: დღეს 80-მა ადამიანმა დაკარგა სიცოცხლე საქართველოში, 11-მა დანიაში. დასკვნა თქვენ თვითონ დაწერეთ

ჯანდაცვის ექსპერტი გიორგი ფხაკაძე, საქართველოში არსებულ მძიმე ეპიდემიოლოგიურ ვითარებას ფეისბუკის საკუთარ გვერდზე კიდევ ერთხელ ეხმაურება.

" დღეს 80-მა ადამიანმა დაკარგა სიცოცხლე საქართველოში. 

✅ საქართველოს მოსახლეობა 3,729,600 (ოფიციალურად, რეალურად 3,000,000 თუ დარჩა საქართველოში)

✅ სრულად აცრილია მოსახლეობის 26.68%, მოზრდილი მოსახლეობის აცრის მაჩვენებელი მარტო ღმერთმა თუ იცის, რამდენია.

✅ რეალობაში მთელი მოსახლეობის 20% თუ არის სრულად დაცული, ესეც საკითხავია, აღარ ვსაუბრობ დაბალ ეფექტურ ვაქცინებზე.

✅ ბოლო 7 დღის განმავლობაში კოვიდ 19-ით ინფიცირებულია 26,461 ადამიანი

✅ გარდაცვლილია - 439.

 დღეს 11-მა ადამიანმა დაკარგა სიცოცხლე დანიაში

✅ დანიის მოსახლეობა 5,820,900 (სწორი მონაცემებია)

✅ სრულად აცრილია მოსახლეობის 76.58% (მაღალეფექტური ვაქცინებით) და მოზრდილი მოსახლეობის - 90%.

✅ ბოლო 7 დღის განმავლობაში კოვიდ19-ით ინფიცირებულია 25,125 ადამიანი

✅ გარდაცვლილია - 67.

                                                                       კითხვები იბადება:

1. დანიაში კოვიდის საწინააღმდეგო ვაქცინით რატომ არ იცრება მოსახლეობის 23% და საქართველოში რატომ არ აიცრა მოსახლეობის 80%?

2. დანიაში კოვიდით რატომ გარდაიცვალა დღეს 11 ადამიანი და საქართველოში - 80 ადამიანი?

3. დანიაში კვირაში 25,000 კოვიდინფიცირებული ადამიანი დარეგისტრირდა და საქართველოში კი - 26.500?

დასკვნა თქვენ თვითონ დაწერეთ კომენტარებში …

ვუყურებ ამ ციფრებს და მერე ვუყურებ ქართულ საინფორმაციო სივრცეს …

სად არის პრობლემა, სად არის ხალხი და სად არის რეალობა ?!….", - წერს გიორგი ფხაკაძე.

ამავე თემაზე:

🔵 საქართველოში ბოლო 24 საათში კორონავირუსით 80 პაციენტი გარდაიცვალა, დადასტურდა 5 050 ახალი შემთხვევა