„ქართულმა ოცნებამ” ძალიან დიდი ძალისხმევა ჩადო იმაში, რომ ქვეყანას ევროპერსპექტივა არ ჰქონოდა“ - გურამ როგავა

ამის შესახებ ჟურნალისტი გურამ როგავა სოციალურ ქსელში წერს.

„გატყუებენ, თითქოს ევროკავშირის სტატუსი არაფერს ნიშნავს! მაგალითებად მოჰყავთ სხვადასხვა ქვეყანა, მათ შორის თურქეთი, რომელმაც ამ კუთხით აღიარება წლების წინ მიიღო და დღემდე ევროკავშირის წევრი არ არის.

უკონტექსტოდ ვიკიპედიიდან სტატისტიკის დაკოპირება არის მიზანმიმართული მავნებლობა!იქნებ დაფიქრდეთ, რატომ არ გიყვებიან იმის შესახებ, რომ წარსულში ამ სახელმწიფოებმა, ახლა კი უკვე უკრაინამ და მოლდოვამ, სტატუსთან ერთად, ევროკავშირისგან მიიღეს უამრავი ახალი შესაძლებლობა, ფინანსური რესურსი და დახმარება, რომ ქვეყნის განვითარებისთვის მასშტაბური პროექტები განეხორციელებინათ.

გაატარეს რეფორმები ადამიანის უფლებებისა და საკუთარი მოქალაქეების ცხოვრების დონის გაუმჯობესებისთვის. ევროკავშირის კანდიდატი ქვეყნის სტატუსი, ფაქტობრივად, აი, იმ ხუთ მილიონს ნიშნავს, ქეთი დოლიძე რომ პირდებოდა თითოეულ სოფელს 2012-ში.…და არც იმას დაუჯეროთ, თითქოს ევროკავშირმა დაგვჩაგრა!

არა, “ქართულმა ოცნებამ” ძალიან დიდი ძალისხმევა ჩადო იმაში, რომ ქვეყანას ევროპერსპექტივა არ ჰქონოდა.

და სამწუხაროდ, მათ ამ მიზანს მიაღწიეს!ჩვენ მიგვათრევენ რუსეთისკენ, სიბნელისკენ, ჩიხისკენ!თუ ახლა ამის აღიარება არ გინდა იმის გამო, რომ შენი კომფორტის ზონიდან ვერ გამოდიხარ, თუ ახლა გაჩუმდები, ხვალ გაიღვიძებ სახელმწიფოში, სადაც მორჩილებისა და მონობის გარდა, სხვა ფუნქცია არ გექნება!

გამოდით 24 ივნისს რუსთაველის გამზირზე!კიდევ ერთხელ დავანახოთ ჩვენს ევროპელ მეგობრებს, რა არის ჩვენი ქართული ოცნება“, - წერს გურამ როგავა.

ასევე დაგაინტერესებთ:

🔵 ევროპულმა საბჭომ უკრაინასა და მოლდოვას კანდიდატის სტატუსი მიანიჭა, საქართველოს-არა

🔵 ღარიბაშვილმა Twitter-ზე ევროპული საბჭოს ნაცვლად ევროკომისია მონიშნა, მოლდოვის დროშის ნაცვლად - ანდორის

🔵 „რამდენმა იტირეთ დღეს? ყოველი დღე წლის ბოლომდე არის თითოეული ჩვენგანის საბრძოლველი“ - ნინო ლომჯარია