ვარლამ ლიპარტელიანი ევრობიუროკრატებზე: უნდათ მოიყვანონ ისეთი ხელისუფლება, რომელსაც ადვილად მართავენ, ადვილად ჩართავენ სხვა ქვეყანასთან დაპირისპირებაში, ადვილი სამართავი გახდება ნებისმიერი მიმართულებით

უნდათ მოიყვანონ ისეთი ხელისუფლება, რომელსაც ადვილად მართავენ, ადვილად ჩართავენ სხვა ქვეყანასთან დაპირისპირებაში, ადვილი სამართავი გახდება ნებისმიერი მიმართულებით, - განაცხადა გადაცემაში „იმედი LIVE“ საპარლამენტო უმრავლესობის წევრმა, გარემოს დაცვისა და ბუნებრივი რესურსების კომიტეტის თავმჯდომარის პირველმა მოადგილემ, საზოგადოება „ქართულის“ წევრმა ვარლამ ლიპარტელიანმა ევრობიუროკრატებთან დაკავშირებით.

მისივე თქმით, „ქართული ოცნება“ დღეს არის ის გუნდი, რომელსაც ყველაზე მეტად შეუძლია გაატაროს ქართული ინტერესები, ქართველი ხალხის ინტერესები.

„ზუსტად იგივე იყო კანონთან დაკავშირებით, ქართულ კანონთან დაკავშირებით, მე ასე დავარქმევ. შემდეგ ამერიკული კანონი გახდა - „ფარა“, როდესაც ხმა აღარავის ამოუღია ბოლო პერიოდში. ზუსტად იმავეს მოგვიწოდებდნენ, რომ კურსიდან გადაუხვიეთ, არ შეიძლება ამ კანონის მიღება და ევროპის ბევრ წამყვან ქვეყანაში ვხედავთ იგივე და ამაზე მკაცრ კანონებს. ზუსტად ანალოგიურ პერიოდში საფრანგეთმა დაანიიცირა და კიდევ სხვადასხვა ქვეყანამ. რატომ არის მათთვის დაშვებული ეს ყველაფერი და რატომ არ არის საქართველოსთვის დაშვებული. პასუხი არის ძალიან მარტივი - იმიტომ, რომ ჩვენს ქვეყანაში ინტერესების გატარება უნდათ. უნდათ მოიყვანონ ისეთი ხელისუფლება, რომელსაც ადვილად მართავენ, ადვილად ჩართავენ სხვა ქვეყანასთან დაპირისპირებაში, ადვილი სამართავი გახდება ნებისმიერი მიმართულებით.

„ქართული ოცნება“ დღეს არის ის გუნდი, რომელსაც ყველაზე მეტად შეუძლია გაატაროს ქართული ინტერესები, ქართველი ხალხის ინტერესები.

მე ვფიქრობ და ყველა ადამიანი აცნობიერებს ამას, რომ ზუსტად ამის გამო უპირისპირდებიან, ზუსტად ეს არის მიზეზი, რატომაც ნებისმიერ გადაწყვეტილებაზე მათ შეუძლიათ თქვან, რომ ეს არ არის ევროპული, ეს არის კურსიდან გადახვევა და ა.შ. ყველამ გააცნობიერა უკვე, რომ მათი ეს მოწოდებები, დასანქირება, მუქარით საუბარი არის მიზანმიმართული იმისკენ, რომ როგორმე ქვეყანაში შემოიტანონ არეულობა, როგორმე მოახდინონ რევოლუცია და როგორმე შეცვალონ ქვეყანაში ის სწორი კურსი, რაც არის“, - აღნიშნა ვარლამ ლიპარტელიანმა.