რა ღირს და როგორ უნდა აიღოთ ქართული პასპორტი, თუ საზღვარგარეთ იმყოფებით?!

პასპორტი არის პირადობისა და მოქალაქეობის დამადასტურებელი დოკუმენტი და იგი გაიცემა ნებისმიერი ასაკის საქართველოს მოქალაქეზე მისი საქართველოდან გასვლის, საზღვარგარეთ გადაადგილების და საქართველოში შემოსვლის მიზნით.

არასრულწლოვან პირზე პასპორტი გაიცემა 3 წლის, ხოლო სრულწლოვანზე 10 წლის მოქმედების ვადით.

ბიომეტრიული მონაცემების შემცველი პასპორტის მისაღებად უნდა გამოცხადდეთ საკონსულო სამსახურში, ბიომეტრიული მონაცემების (ფოტოსურათი, თითის ანაბეჭდები და ხელმოწერა) აღების მიზნით.
თუ თქვენ უკვე აღებული გაქვთ ბიომეტრიული მონაცემების შემცველობის საქართველოს მოქალაქის პასპორტი და ტექნიკურად შესაძლებელია ამ მონაცემების ხელმეორედ გამოყენება. შეგიძლიათ დისტანციურად მიმართოთ სახელმწიფო სერვისების განვითარების სააგენტოს

http://sda.gov.ge/?page_id=4118

საკონსულო სამსახურში მიღება წარმოებს მხოლოდ წინასწარ ჩაწერით. 
ჩაწერა ხდება შემდეგი ვებგვერდის მეშვეობით https://www.geoconsul.gov.ge/ka/register/visit სადაც, საშუალება გაქვთ ატვირთოთ წარსადგენი დოკუმენტები.

იხილეთ ონლაინ ჩაწერის ინსტრუქცია

დამზადებული დოკუმენტის გატანა შესაძლებელია საკონსულოში პირადი  გამოცხადების ან კურიერის მეშვეობით.

სრულწლოვნის პასპორტის საფასურია - 121,63 ევრო  -  იხ.მიმაგრებული ქვითარი
პასპორტის დამზადების ვადაა - 45 დღე.

წყარო