გიორგი ქოჩორაშვილი: მინდა, როცა „ლევანტეს“ დავტოვებ, მთავარი კარიდან გავიდე, ბავშვობიდან ჩემი ოცნება იყო დიდი მიზნებისთვის ბრძოლა

„ლევანტეს“ ოფიციალურ ვებგვერდზე გიორგი ქოჩორაშვილის ინტერვიუ გამოქვეყნდა, რომელმაც „სარაგოსასთან“ მოახლოებულ მატჩსა და მიმდინარე სეზონის მიზნებზე ისაუბრა.

„გუნდში, როგორც ყოველთვის კარგი გარემოა, გუნდი ერთიანია, რადგან მოედნის მიღმაც მეგობრები ვართ. როდესაც ვვარჯიშობთ, ვერ გაიგებთ, ვინ არის ყველაზე ახალგაზრდა ან ყველაზე უფროსი, რადგან ისინი ძალიან ჩართულები ვართ, არ აქვს მნიშვნელობა ვინ თამაშობს მეტს და ვინ ნაკლებად. ამ გზაზე ძალიან მნიშვნელოვანია ერთიანობა. არსებობს გამოთქმა: „თუ გინდა სწრაფად იმოქმედო, იარე მარტო, მაგრამ თუ გინდა უფრო შორს წახვიდე, იარე ერთად“. მწვრთნელიც იზიარებს ამას და გუნდში მეგობრული გარემოა. ყველა ვარჯიშზე სიამოვნების მისაღებად გავდივართ და ყველაფერს ვაკეთებთ.

შედეგი ჩვენზე არაა დამოკიდებული, მაგრამ კარგია ის, რომ ჩვენს ხელშია. შედეგი მხოლოდ ის არ არის, რაც თამაშის ბოლოს დგება, არამედ ის, რასაც ყოველდღე აკეთებ, იქნება ეს ვარჯიშებზე, მატჩებში, გასახდელში თუ მის გარეთ.

ისტორიიდან ვიცით, რომ „სარაგოსა“ ძალიან ძლიერი გუნდი იყო, ახლა ცოტა უჭირს, მაგრამ ძალიან კარგი ფეხბურთელები ჰყავს და რთული თამაში იქნება. თუმცა, სტადიონზე ჩვენი ფანებიც იქნებიან, ვეცდებით, ყველაფერი გავაკეთოთ, რათა გულშემატკივარმა ისიამოვნონ და დაინახონ, რომ ბოლომდე ვიხარჯებით, ყველა კომპონენტში ვიბრძვით. ვეცდებით, ძლიერები ვიყოთ და ყველაფერი გავაკეთოთ, როგორც ყველა თამაშში.

როდესაც გარბიხარ და სუნთქვა გიჭირს, მაგრამ შენი გულშემატკივრების ხმა გესმის, ეს სუფთა ჰაერი გეხმარება ისუნთქო და ენერგიას გმატებს, როგორც ეს მოხდა „რასინგთან“, როცა სტადიონი სავსე იყო. ისინიც ჩართულები არიან თამაშში და გვეხმარებიან. მინდა, მათ ვუთხრა, რომ თამაშში დიდი წვლილი შეაქვთ.

ბავშვობიდან ჩემი ოცნება იყო დიდი მიზნებისთვის ბრძოლა, მაგრამ ახლა ჩემთვის მნიშვნელოვანი აწმყოა. საუკეთესო მომავალს გაძლევს ის, რასაც აწმყოში აკეთებ. 2019 წლიდან „ლევანტეში“ ვარ და ეს არა მხოლოდ კლუბის სიყვარულია, არამედ იმ ადამიანების, რომლებსაც აქ წარსულში შევხვდი. ეს კლუბი ბევრ ღირებულებას ნერგავს.

ჩემი მიზანი ყოველთვის აწმყო იქნება, ჩემი თანაგუნდელები ყველანაირად იმუშავებენ და ყველაფერს გააკეთებენ. მინდა, რომ როცა კლუბს დავტოვებ, მთავარი კარიდან გავიდე. იმ კლუბებში, სადაც ვყოფილვარ, მაგალითად, „კასტელონში“, ყოველთვის მინდოდა იქ ჩემი სახელი დამეტოვებინა. სწორედ ამას ვეცდები „ლევანტეში“. იმედია, მივაღწევთ მიზანს, რომელიც დავისახეთ და რომელსაც „ლევანტეს“ გულშემატკივრები იმსახურებენ. როდესაც ცხოვრებაში ბევრს იტანჯები, თუ წინსვლას განაგრძობ, ეს ტანჯვა ყოველთვის ღიმილად გადაიქცევა, ვფიქრობ, ეს ღიმილი ჩვენამდეც მოვა“, - განაცხადა ქოჩორაშვილმა.

შეგახსენებთ, რომ გიორგი ქოჩორაშვილს ლა ლიგა 2-ის მიმდინარე სეზონში 28 მატჩში 6 გოლი აქვს გატანილი, 4-ჯერ საგოლე პასი გააკეთა. ის ზაფხულიდან კარიერას ლისაბონის „სპორტინგში“ გააგრძელებს.