„აქ რომ მოდიხართ და ბადანტეებად მუშაობთ, რატომ გაქვთ სახლები მიტოვებული და რატომ არ ამუშავებთ მიწებსო?“ - სოციალური მედია

სოფლის მეურნეობის განვითარების ჯგუფში, ჯგუფის ერთ-ერთი მომხმარებელი იტალიელ ოჯახთან გამართულ დიალოგის დეტალებზე წერს, რომელიც საქართველოს და ქართველ ხალხს ეხება, რომელსაც თქვენ გიზიარებთ.

მოგესალმებით მეგობრებო!
დღეს იტალიაში ერთ-ერთ ოჯახში საუბრისას, რუსეთ-უკრაინის ომის თემასთან დაკავშირებით გაგრძელდა საქართველოზე საუბარი, სადაც, მე ჩემს საქართველოს და ქართველებს ძალიან ვაქებდი, თუ როგორი შრომის მოყვარული ერი ვართ და უმაღლეს მწვერვალზე ამყავდა ქართველები. შეძლებისდაგვარად ვაცნობდი, ჩვენს კულტურას. აღვნიშნე მთავრობის უყურადღებო დამოკიდებულება მოსახლეობის მიმართ, თუ როგორ გახდა მოსახლეობა იძულებული რომ ემიგრანტები გამხდარიყვნენ და საქართველოში რომ სამსახურები არ არის და შეუძლებელია იქ არსებობა-თქო.

იტალიელმა ასეთი რამ მითხრა:

ჩემს ძმისშვილს ჰყავს ქართველი ცოლი, 5 წელიწადია საქართველოში ცხოვრობენ. იყიდეს მიწები, ამუშავებენ მიწებს, ჰყავთ შინაური ცხოველები და ფრინველებიო. მოსავალს მაღაზიებში აბარებენ და ძალიან მოსწონს საქართველოში ცხოვრების პირობებიო. ყველანაირი პირობები აქვს სოფელი რომ განავითაროო. ძალიან ბევრი მიწები და სახლები ყოფილა უპატრონოდ მიტოვებულიო. აქ რომ მოდიხართ და ბადანტეებათ მუშაობთ, რატომ გაქვთ სახლები მიტოვებული და რატომ არ ამუშავებთ მიწებსო?? თქვენ რომლებსაც მთავრობა არ მოგწონთ და იმ ხალხსაც, რომლებიც სოფლებში მუშაობენ და სოფლის მეურნეობას მისდევენ, ორივე მხარეს ხომ ერთნაირი მთავრობა გყავთ და ისინი როგორ მუშაობენ და თქვენ რატომ გარბიხართ ქვეყნიდანო!? მით უმეტეს თქვენი ქვეყანა ყველაფრით მდიდარი ყოფილაო. რატომ არ მუშაობთ თქვენს ქვეყანაში და აქეთ რატო გამორბიხართო??? 

პასუხი რა ვუთხრა? არადა 100 % სიმართლე მითხრა. ისეთი შეგრძნება დამეუფლა უხერხულობისაგან, თითქოს რაღაც სიმართლე დამიმტკიცეს და ტყუილში გამომიჭირესთქო. რა ვუთხრა რატომ არის უცხოელისთვის ან ზოგიერთისთვის პერპექტიული საქართველოში მუშაობა და ჩვენ ზოგიერთები რატომ არ ვამუშავებთ ჩვენს მიწებსთქო?? ძნელია სიმართლის აღიარება. რა ვთქვა რით ვიმართლო თავი??

აგრეთვე დაგაინტერესებთ:

📌 “ქალაქ ბარიში წმინდა ნიკოლოზის ქანდაკება გაქურდეს” - ირმა მაისურაძე

📌 “რუსები არ გაჩერდებიან უკრაინაში. მათი მიზანია გავლენა მოახდინონ მთელ ევროპაზე!” - ზელენსკიმ იტალიის პარლამენტს მიმართა

📌 იტალიელების რუსი მოდელი რძალი: "მე რუსი ვარ და ვამაყობ ამით! ყოველთვის მომწონდა პუტინი, ყოველთვის მომწონდა ჩვენი რეჟიმი!"

📌 ორი “ბადანტეს” მკვლელობისთვის მამაკაცს სამუდამო პატიმრობა მიუსაჯეს

📌 “იტალიაში სხვის მოსამსახურეობაში რომ ამომხდა სული და ბინა ისე ვიყიდე, იმ სახლში ვერც უკრაინელ ლტოლვილებს შევუშვებ!” - ემიგრანტი იტალიიდან

📌 „ჩვენს ქუჩაზე ლტოლვილები მოვიდნენ“ - იტალიაში მცხოვრები, ქართველი პროფესორის სულის შემძვრელი წერილი