ამ 17 ქვეყნის ჩინოვნიკების რეიტინგს თუ გადახედავთ, ნახავთ რომ საკუთარ ქვეყნებში მაქსიმუმ 20% აქვთ რეიტინგი! საკუთარი მოსახლეობა არ ენდობა და არ იზიარებს იმ პოლიტიკას, რასაც „დიფ სთეითი“ ავალებს! - დიმიტრი სამხარაძე

„ქართული ოცნების" რეგიონული მდივანი დიმიტრი სამხარაძე საქართველოსთან დაკავშირებით, 17 ქვეყნის საგარეო საქმეთა მინისტრებისა და ევროკავშირის უმაღლესი წარმომადგენლის მიერ გავრცელებულ ერთობლივ განცხადებას სოციალურ ქსელში ეხმაურება.

როგორც სამხარაძე აღნიშნავს, ევროპელი დიპლომატების განცხადების მთავარი შინაარსი ისევ ომის დაწყებაა.

„ქართული ოცნების" რეგიონული მდივანი 17 ქვეყნის ჩინოვნიკის განცხადების საპასუხოდ აცხადებს, რომ მმართველ პარტიას უკვე დიდი ხანია სანქციების აღარ ეშინია.

მისივე განმარტებით, „ქართული ოცნება“ არავის მისცემს ეკლესიის დაჩაგვრისა და ახალგაზრდობის გარყვნის საშუალებას:

„ამ 17 ქვეყნის ჩინოვნიკების რეიტინგს თუ გადახედავთ, ნახავთ რომ საკუთარ ქვეყნებში მაქსიმუმ 20% აქვთ რეიტინგი! საკუთარი მოსახლეობა არ ენდობა და არ იზიარებს იმ პოლიტიკას, რასაც „დიფ სთეითი“ ავალებს! მაგათი გამოქვეყნებული ტექსტის შინაარსი იცით რა არის?

ქართველებისთვის კეფაში გვინდა ხელის წამორტყმა, ბავშვებში ჰომოსექსუალების პროპაგანდის გავრცელება, ქართული ეკლესიის ავტორიტეტის შელახვა, ქვეყნის დამონება და ამას ვერ ვიზამთ, თუ ბატონი ბიძინა ივანიშვილი და „ქართული ოცნება“ იქნება ხელისუფლებაშიო! ჩვენი აგენტები დაგვიბრუნეთ, ციხიდან გამოუშვითო, რომლებიც საქართველოში წარუმატებელი რევოლუციების შემსრულებლები არიანო! სააკაშვილი გამოუშვით, სისხლიანი რევოლუციის მოწყობაში რომ დაგვეხმაროს და ქართველები ერთმანეთს დაგაპირისპიროთო! ეს არის განცხადების შინაარსი და საქართველოს ღირსეულმა ყველა მოქალაქემ ვიცით, რომ ასეა!

მთავარი, რასაც გვეუბნებიან, ისევ ომის დაწყებაა! პირდაპირ წერენ, რომ ჯერ კიდევ გვიანი არაა ჩვენთან დალაგება და საქართველომ მოლაპარაკებები დაიწყოს უკრაინული დემოკრატიის კურსის დასაბრუნებლადო!

სანქციები ცალკე თემაა! თუ კიდევ შეგვიშლის ხელს ბატონი ბიძინა ივანიშვილი საქართველოს განადგურებაში, დავასანქცირებთო! ამას ის ხალხი გვეუბნება, რომლებიც ბუნკერებში დაიმალნენ, ბელორუსიიდან რომ ბავშვებმა სათამაშო დრონი შეაფრინეს! ერისკაცს და ჩვენს გუნდს თქვენი სანქციებით დიდი ხანია უკვე ვერ გვაშინებთ, სამშობლოს არ გავყიდით! ახალგაზრდობას არ გაგარყვნევინებთ, ეკლესიას არ დაგაჩაგრინებთ, ომს არ დავიწყებთ, სულ შუაზე რომ გადაიხეთ! აბრძანდით ეიფელის კოშკზე და… მერე გაგრძელება კი იცით ზელენსკიმდე“, - წერს დიმიტრი სამხარაძე სოციალურ ქსელში.