გოგა ხაინდრავა ევროპელ ბიუროკრატებზე: ეს დეპუტატები, ვინც იქ საქართველოზე ლაპარაკობენ ისეთი შთაბეჭდილება მრჩება, რომ „გლოვოთი“ გამოძახებული კერძები არიან. ფული აქვთ აღებული და ღმერთმა იცის რას ლაპარაკობენ

 არანაირი პერსპექტივა ამ დაწესებულებას აღარ აქვს და გასაკვირიც არ არის. ეს დეპუტატები, ვინც იქ საქართველოზე ლაპარაკობენ ისეთი შთაბეჭდილება მრჩება, რომ „გლოვოთი“ გამოძახებული კერძები არიან. ფული აქვთ აღებული და ღმერთმა იცის რას ლაპარაკობენ, - განაცხადა გადაცემაში „იმედის კვირა“ კინორეჟისორმა გოგა ხაინდრავამ ევროპელ ბიუროკრატებზე საუბრისას.

„სხვა იქ ვინ მივა, თავმოყვარე ადამიანი იქ არ დაჯდება ამის მოასამენად და მითუმეტეს ამას არ იტყვის, თუ ანგარება არ აქვს. ყველა ანგარებიანია, ვინც გამოდის და საქართველოზე აბსოლუტურ სისულელეს ლაპარაკობს. ეს უკვე სიცრუეს სცდება. თან იცის, რომ სიცრუეა და მაინც აკეთებს.

უკრაინაში მიწასთან გასწორებული ქვეყნის, ამდენი მოკლული ადამიანის, დანგრეული შენობების და დახოცილი ბავშვების ფონზე ლგბტ მარშებს მართავენ, ეს ფონ დერ ლაიენები. აბსოლუტურად ნათელია, რომ ამას მომავალი არ აქვს“, - აღნიშნა გოგა ხაინდრავამ.

გოგა ხაინდრავამ საქართველოს პროვოკაციაზე წამოგების მცდელობაზე და ქართველ პოლიტიკოსებზეც ისაუბრა.

„ათეულობით მილიონი დოლარი დახარჯეს ბადრი ჯაფარიძემ და მამუკა ხაზარაძემ, პარტია შექმნეს, საკუთარი ჯიბიდან უხდიდნენ ყველას ფულს იმისთვის, რომ ციხეში არ მოხვედრილიყვნენ იმ თაღლითობაზე, რომელიც ჩადენილი აქვთ. ამ ყველაფრის შემდეგ ადგნენ და თავისი ფეხით შევიდნენ ციხეში. სასაცილოა, სატირალი რომ არ იყოს. ეს არის გეგმის ნაწილი, ქუჩასა და პოლიტიკაში ვერაფერი ვერ ქნეს, ამიტომ პატრონებმა უთხრეს კეთილი ინებე და შებრძანდით იქ, რომ იქნებ ამან ვნებათაღელვა გამოიწვიოს საზოგადოებაში. ყოველ შემთხვევაში იქ გამოიწვიეს.

ეს დიდხანს ვერ გასტანს, ბრიუსელმა დაამთავრა თავისი თავი, ყველა ვხედავთ ამას რა პროცესებიც მიდის შიგნით“, - აღნიშნა გოგა ხაინდრავამ.