ლევან მაჭავარიანი: ეს არის კლასიკური გაგებით ფსევდოლიბერალური ფაშიზმი, რომელსაც ჩვენ საქართველოში აუცილებლად დავასრულებთ

 „ეს არის კლასიკური გაგებით ფსევდოლიბერალური ფაშიზმი, რომელსაც ჩვენ საქართველოში აუცილებლად დავასრულებთ“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა, რითაც დეპუტატ მარიამ ლაშხის მიმართ ოპოზიციის და მათი მხარდამჭერების კრიტიკას გამოეხმაურა.

მისი თქმით, გარკვეული ჯგუფები ამ ქმედებებით ცდილობენ, დეპუტატებზე ფსიქოლოგიური გავლენას მოხდენას.

„ამით ისინი ცდილობენ, თითქოს დაძაბონ კონკრეტული დეპუტატი თუ პოლიტიკოსი, მასზე რაღაც ფსიქოლოგიური გავლენა იქონიონ, მაგრამ მათვისე არის კონტრპროდუქტიული, ვინაიდან ჩვენი მოსახლეობა ამას აკვირდება.

პირდაპირ ვნახეთ ის კადრები, რაც  დიდი სიამაყით გამოფინეს. ქალბატონი ლაშხი, რომელიც 2 არასრულწლოვან ბავშვთან ერთად იმყოფებოდა, შეუვარდნენ და იქ რაც იკადრეს... სად არიან საერთოს გაზრდილები ჩემთვის ცოტა წარმოაუდგენელია. ეს არც მორალში ჯდება, არც ადამიანობაში და არც არანაირ ზნეობრივ სტანდარტებში. შემდეგ გამოდიან და უკვირთ, რანაირად უჩივლა მარიამ ლაშხმა 20 წლის ახალგაზრდებსო, აბა რა უნდა გაეკეთებინა? სამართლებრივად მიჰყვა თემას, რა თქმა უნდა, ამისთვის არსებობს სასამართლო, პროკურატურა“, - აცხადებს მაჭავარიანი.