მიხეილ ყაველაშვილი: ჩვენ მიგვაჩნია, რომ ოჯახი ქალისა და მამაკაცის თანაცხოვრებაა. მიგვაჩნია, რომ არასრულწლოვანს არ უნდა ვკითხოთ, ბიჭია თუ გოგო - ამ კანონებმა დაგვიცვა ამ თემისგან

ჩვენ მიგვაჩნია, რომ ოჯახი ქალისა და მამაკაცის თანაცხოვრებაა. მიგვაჩნია, რომ არასრულწლოვანს არ უნდა ვკითხოთ, ბიჭია თუ გოგო. ამ კანონებმა დაგვიცვა ამ თემისგან, - განაცხადა ესპანურ გამოცემა El Mundo-სთვის მიცემულ ინტერვიუში.

კითხვაზე, ლგბტ ჯგუფების საქმიანობის კონტროლი რამდენად მნიშვნელოვანია საქართველოს უსაფრთხოებისთვის, პრეზიდენტმა განაცხადა, რომ ეს უსაფრთხოებისთვის მნიშვნელოვანია.

„ჩვენ გვაქვს მოქმედი კონსტიტუცია, ანტიდისკრიმინაციული კანონი ყველა გარანტირებული უფლებით. ასევე გვაქვს ოჯახის სიწმინდის კანონი, კანონი, რომელიც იცავს მცირეწლოვან ბავშვებს ამ ტიპის ღირებულებებისგან. რეალურად, ჩვენ ეს თემა დიდად არ წამოგვიწევია, მაგრამ სწორედ აშშ-ის ამჟამინდელმა ხელისუფლებამ დაიწყო ამაზე საუბარი.

ჩვენ მიგვაჩნია, რომ ოჯახი ქალისა და მამაკაცის თანაცხოვრებაა. ვთვლით, რომ არასრულწლოვანს არ უნდა ვკითხოთ, ბიჭია თუ გოგო. და ამ კანონებმა დაგვიცვა ამ თემისგან. ასევე გვაქვს დემოგრაფიული პრობლემა.

რაც შეეხება გამჭვირვალობისა და უცხოელი აგენტების კანონს, იცით, რუსეთის გარდა რამდენი ქვეყანაა, რომელმაც მიიღო ეს კანონი? რატომ არის, რომ ამ კანონთან დაკავშირებით მხოლოდ რუსეთია ნახსენები? პარალელურად, ჩვენ მივიღეთ ამერიკული კანონი FARA”, - აღნიშნა პრეზიდეტნმა.